Actualitats
Rugbi de XIII: Superliga: tres per doas plaças dirèctas en mièja finala
La vintena jornada de Superliga a pas clarificada la situacion per la qualificacion per las fasas finalas
Alan Roch
En cap de classament, los catalans pertocats per la covid an anullat lo desplaçament a Warrington de dijòus de ser e la question es pausada per lor desplaçament a Salford aqueste dijòus.
Saint Helens s’es représ aprèp sa desfaita fàcia a Castleford en anent ganhar a Wigan: 26-2.
Un vintenat de partidas son a l’espèra d’èsser jogadas (o pas) d’aicí a la fin de la sason regulara. Diluns que ven, los Sang e Aur reçaupràn los darrièrs, Leigh (que venon de batre Salford: 32-22 per lor primièra victòria de la sason), a Brutus abans de tornar trapar Saint Helens pel compte de la Dimenjada Magica.
Los catalans son primièrs, mas demòran jos la menaça de Saint Helens e de Warrington per servar una de las primièras doas plaças, qualificativas dirèctament per las mièjas finalas.
Championship: novèla victòria del TO en Anglatèrra
Lo Tolosa Olimpic a signat una novèla victòria en desplaçament a Oldham aqueste dimenge: sièis ensages marcats e victòria 34-6.
NRL: batalha per jogar las pelhòfas
En Austràlia, demòra encara doas jornadas de la fasa regulara de jogar: totas las partidas se debanan en Queensland e aquò deuriá durar duscas a la fin de la sason.
Melbourne, Penrith e los Lapinons ocuparàn las primièras tres plaças. La quatrena, dins lo naut del tablèu, se jòga entre los Polets (32 punts), Manly e Parramatta (30).
Newcastle (24 punts) deuriá acabar seten. L’ueitena plaça se jogarà a la diferéncia de punts entre 3 formacions: Cronulla, los Titans e Canberra.
Los neozelandeses seràn pas de las pelhòfas: an marcat 5 ensages a Brisbane, mas lo tustaire ensaquèt pas qu’una sola transformacion e los Bròncos amb 4 ensages transformats privan los Warriors d’una possibla qualificacion (24-22) .
Jogar los angleses?
L’entraïnaire de l’esquipa de França, Laurenç Fraissinós, desirariá que los Blaus rescontrèsson Anglatèrra a la fin d’octòbre dins l’encastre de la preparacion de la Copa del Mond de 2022.
Alan Roch
Saint Helens s’es représ aprèp sa desfaita fàcia a Castleford en anent ganhar a Wigan: 26-2.
Un vintenat de partidas son a l’espèra d’èsser jogadas (o pas) d’aicí a la fin de la sason regulara. Diluns que ven, los Sang e Aur reçaupràn los darrièrs, Leigh (que venon de batre Salford: 32-22 per lor primièra victòria de la sason), a Brutus abans de tornar trapar Saint Helens pel compte de la Dimenjada Magica.
Los catalans son primièrs, mas demòran jos la menaça de Saint Helens e de Warrington per servar una de las primièras doas plaças, qualificativas dirèctament per las mièjas finalas.
Championship: novèla victòria del TO en Anglatèrra
Lo Tolosa Olimpic a signat una novèla victòria en desplaçament a Oldham aqueste dimenge: sièis ensages marcats e victòria 34-6.
NRL: batalha per jogar las pelhòfas
En Austràlia, demòra encara doas jornadas de la fasa regulara de jogar: totas las partidas se debanan en Queensland e aquò deuriá durar duscas a la fin de la sason.
Melbourne, Penrith e los Lapinons ocuparàn las primièras tres plaças. La quatrena, dins lo naut del tablèu, se jòga entre los Polets (32 punts), Manly e Parramatta (30).
Newcastle (24 punts) deuriá acabar seten. L’ueitena plaça se jogarà a la diferéncia de punts entre 3 formacions: Cronulla, los Titans e Canberra.
Los neozelandeses seràn pas de las pelhòfas: an marcat 5 ensages a Brisbane, mas lo tustaire ensaquèt pas qu’una sola transformacion e los Bròncos amb 4 ensages transformats privan los Warriors d’una possibla qualificacion (24-22) .
Jogar los angleses?
L’entraïnaire de l’esquipa de França, Laurenç Fraissinós, desirariá que los Blaus rescontrèsson Anglatèrra a la fin d’octòbre dins l’encastre de la preparacion de la Copa del Mond de 2022.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari