Actualitats
Kabol: los talibans blòcan l’aeropòrt a l’endeman d’una reünion secreta amb la CIA
Un pòrtavotz dels talibans a declarat que se permetriá pas pus als afgans de quitar lo país
Tèxte legit
Los talibans bloquèron ièr dimars l’accès a l’aeropòrt de Kabol en plen caos entraïnat per las evacuacions. Dins una conferéncia de premsa, un pòrtavotz dels talibans declarèt que se permetriá pas pus als afgans de quitar lo país.
La mesura arriba un jorn après una reünion secreta entre lo cap de la CIA e los talibans ont es probable qu’ajan parlat de reportar la data limit de las evacuacions.
Reünion secreta
William J. Burns, director de la CIA, s’amassèt diluns en secret a Kabol amb lo dirigent de fach dels talibans, Abdul Ghani Baradar, çò publica The Washington Post que mençona de fonts anonimas del govèrn dels Estats Units pròchas de l’afar. Es lo contacte de reng pus naut entre l’administracion de Joe Biden e los talibans dempuèi lor presa del poder en Afganistan.
Segon The Washington Post, la CIA a refusat de comentar oficialament la reünion, mas es probable qu’ajan parlat de la possibilitat de reportar delà lo 31 d’agost las evacuacions dels ciutadans estatsunidencs e de sos aliats afgans que vòlon quitar lo país, coma o an reclamat d’aliats tradicionals dels Estats Units, especialament lo Reialme Unit e França.
Los caps del G7 s’amassèron ièr dimars d’urgéncia per coordenar l’evacuacion d’Afganistan.
Es pas lo primièr còp que Baradar dialòga amb los Estats Units coma representant dels talibans. O faguèt ja a las convèrsas amb lo govèrn de Donald Trump ont se pachèt lo retirament de las fòrças estatsunidencas d’Afganistan. En novembre de 2020, se faguèt fotografiar amb lo secretari d’estat dels Estats Units, alara Mike Pompeo. Abans de venir representant dels talibans, Baradar passèt uèch ans en preson per una operacion de la CIA que lo faguèt arrestar.
Dempuèi que los talibans contraròtlan Afganistan, Baradar a fach lo pòrtavotz en se manifestant conciliant e en disent que los talibans cèrcan un sistèma islamic ont totòm pòscan viure sens cap de discriminacion, de paraulas que concòrdan pas amb lo secutament qu’an ja començat de patir las femnas.
Lo director de la CIA, William J. Burns, a una longa experiéncia diplomatica. Foguèt vicesecretari d’estat jos las presidéncias de George W. Bush e Barack Obama, e mai faguèt l’ambaissador dels Estats Units en Russia entre 2005 e 2008. En abril, se gandiguèt en Afganistan en seguida del chepic del govèrn afgan que se vesiá incapable de resistir a l’armada talibana, un chepic que s’es confirmat.
La mesura arriba un jorn après una reünion secreta entre lo cap de la CIA e los talibans ont es probable qu’ajan parlat de reportar la data limit de las evacuacions.
Reünion secreta
William J. Burns, director de la CIA, s’amassèt diluns en secret a Kabol amb lo dirigent de fach dels talibans, Abdul Ghani Baradar, çò publica The Washington Post que mençona de fonts anonimas del govèrn dels Estats Units pròchas de l’afar. Es lo contacte de reng pus naut entre l’administracion de Joe Biden e los talibans dempuèi lor presa del poder en Afganistan.
Segon The Washington Post, la CIA a refusat de comentar oficialament la reünion, mas es probable qu’ajan parlat de la possibilitat de reportar delà lo 31 d’agost las evacuacions dels ciutadans estatsunidencs e de sos aliats afgans que vòlon quitar lo país, coma o an reclamat d’aliats tradicionals dels Estats Units, especialament lo Reialme Unit e França.
Los caps del G7 s’amassèron ièr dimars d’urgéncia per coordenar l’evacuacion d’Afganistan.
Es pas lo primièr còp que Baradar dialòga amb los Estats Units coma representant dels talibans. O faguèt ja a las convèrsas amb lo govèrn de Donald Trump ont se pachèt lo retirament de las fòrças estatsunidencas d’Afganistan. En novembre de 2020, se faguèt fotografiar amb lo secretari d’estat dels Estats Units, alara Mike Pompeo. Abans de venir representant dels talibans, Baradar passèt uèch ans en preson per una operacion de la CIA que lo faguèt arrestar.
Dempuèi que los talibans contraròtlan Afganistan, Baradar a fach lo pòrtavotz en se manifestant conciliant e en disent que los talibans cèrcan un sistèma islamic ont totòm pòscan viure sens cap de discriminacion, de paraulas que concòrdan pas amb lo secutament qu’an ja començat de patir las femnas.
Lo director de la CIA, William J. Burns, a una longa experiéncia diplomatica. Foguèt vicesecretari d’estat jos las presidéncias de George W. Bush e Barack Obama, e mai faguèt l’ambaissador dels Estats Units en Russia entre 2005 e 2008. En abril, se gandiguèt en Afganistan en seguida del chepic del govèrn afgan que se vesiá incapable de resistir a l’armada talibana, un chepic que s’es confirmat.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
A la man scientifica
d'un poble engenhòs prospèr
en tu O Granda America
metem totes nostres espers
O mamet
crompa-me un
skèit-bord !
E serai
mai que mai
lo pus fòrt
Me veiràs
Championàs
del quitràn
E plé-bòi
Occitan
nom d'un gòi
Fulbert
#6 E tanben li pregarem de t'escampar ailà, en plen talibanistan, que serem enfin desbarrassats de tu !
#4 Où, l'òme, fagatz-me pas dire çò qu'ai pas dich ! S'èri afgan diriai puslèu que siam benlèu en tren de tombar de Caribde en Sillà. E s'èri afgana, pecaire !
#3 Viscan los talibans !
L'estonament nèci dels mediàs occidentals es de mal comprene : voldrian que lo venceire d'uèi faga aquo que lo venceire d'ièr se gardèt plan de faire. Fa vint ans, es que los americans, alara triomfants, permetiguèron als Talibans e a totis lors collaborators estrangers venguts far lo djihad amb eles en Afganistan, de poder sortir liurament del païs ? Non pas, los encabanèran o los tuèron. Fins ara lo vencèire d'uèi fa prova d'una tolerància qu'aguèt pas aquel d'ièr : autoriza totis aqueles qu'an collaborat amb l'armada d'ocupacion venguda per los tuar a fugir liurament. Coneissètz maites armadas vencedoras qu'an acceptat tala causa ? Fan lo morre America e sos supletius de l'UE ? Ben, avian qu'a ganhar la guèrra !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari