Actualitats
Ghana: vòlon aumentar mai encara lo secutament dels LGBT
Se presenta un projècte de lei qu’en mai d’aumentar las penas de preson, perseguís lo mond que sostendrián d’amics, collègas, parents o vesins LGBT
Tèxte legit
En Ghana, un grop d’8 deputats de l’oposicion an presentat un projècte de lei per criminalizar encara mai la comunautat LGBT del país e totas las minoritats sexualas. Li dison “proposicion de lei per la promocion dels dreches sexuals umans adeqüats e las valors familialas ghanesas”; lo projècte prepausa de penas fòrça duras contra totas las personas LGBT e los que las sostendrián.
La lei actuala prevei de penas de fins a 3 ans de preson contra las personas que tendrián de relacions sexualas consideradas “antinaturalas”. La proposicion d’aqueles deputats va mai luènh en suggerissent de penas de fins a 10 ans de preson per tota persona qu’aparariá los dreches LGBT, e de fins a 5 ans de preson per tota persona que donariá son supòrt a d’amics, collègas, parents o vesins LGBT. Tanben se prevei 6 meses de preson per las mòstras d’afeccion entre personas del meteis sèxe de naissença.
Se prepausa tanben de punir tota aquela persona que “se maride o cèrque de se maridar amb una persona del meteis sèxe”, que s’identifique coma “lesbiana, gaia, transgenre, transexuala, queer, pansexuala, aliada eterosexuala, non binària o de quina autra identitat sexuala o de genre que siá contrària a las categorias binàrias del masculin e del femenin”. Las penas se poirián reduire se l’acusat mòstra son pentiment e demanda “d’ajuda o un tractament medical”. Aital, la proposicion de lei vòl refortir la dicha “terapia de conversion”, de practicas que pretendon de cambiar l’orientacion sexuala o l’identitat de genre de la persona LGBT, e que d’especialistas internacionals considèran fòrça perilhosas per la santat mentala.
Las personas LGBT de Ghana subisson fòrça agressions impunidas. Ara crenhon qu’amb l’adopcion d’aquela nòva proposicion de lei se justifique mai encara las atacas omofòbas. Mentretant, s’es lançada una campanha sus Internet per amassar de signaturas per que se refuse aquel projècte de lei.
Lo legat omofòb d’Occident
La legislacion omofòba que se patís dins l’Africa subsahariana truca amb las societats anterioras a la colonizacion. “Aquelas s’estructuravan en tribus, en familhas, en territòris, e avián de biaisses de s’organizar qu’èran pas tant omofòbs ni penalizavan aital la diferéncia”, çò nos contava, en junh de 2019, la realizaira Alba Muñoz a prepaus de l’activista kenyana Gerald Hayo. Segon la realizaira, l’activista kenyana “fasiá aquela reflexion sus l’instauracion de la familha eterosexuala coma institucion, lo refús de tot çò que s’aluènha de la nòrma e una tièra de nòrmas socialas plan concretas per las femnas e los òmes, e cossí tot aquò se portèt d’Occident mentre que pilhavan las ressorsas del país. Es una reflexion que pòt venir solament d’Africa, e nos avisam qu’es lo legat que lor avèm portat.”
La lei actuala prevei de penas de fins a 3 ans de preson contra las personas que tendrián de relacions sexualas consideradas “antinaturalas”. La proposicion d’aqueles deputats va mai luènh en suggerissent de penas de fins a 10 ans de preson per tota persona qu’aparariá los dreches LGBT, e de fins a 5 ans de preson per tota persona que donariá son supòrt a d’amics, collègas, parents o vesins LGBT. Tanben se prevei 6 meses de preson per las mòstras d’afeccion entre personas del meteis sèxe de naissença.
Se prepausa tanben de punir tota aquela persona que “se maride o cèrque de se maridar amb una persona del meteis sèxe”, que s’identifique coma “lesbiana, gaia, transgenre, transexuala, queer, pansexuala, aliada eterosexuala, non binària o de quina autra identitat sexuala o de genre que siá contrària a las categorias binàrias del masculin e del femenin”. Las penas se poirián reduire se l’acusat mòstra son pentiment e demanda “d’ajuda o un tractament medical”. Aital, la proposicion de lei vòl refortir la dicha “terapia de conversion”, de practicas que pretendon de cambiar l’orientacion sexuala o l’identitat de genre de la persona LGBT, e que d’especialistas internacionals considèran fòrça perilhosas per la santat mentala.
Las personas LGBT de Ghana subisson fòrça agressions impunidas. Ara crenhon qu’amb l’adopcion d’aquela nòva proposicion de lei se justifique mai encara las atacas omofòbas. Mentretant, s’es lançada una campanha sus Internet per amassar de signaturas per que se refuse aquel projècte de lei.
Lo legat omofòb d’Occident
La legislacion omofòba que se patís dins l’Africa subsahariana truca amb las societats anterioras a la colonizacion. “Aquelas s’estructuravan en tribus, en familhas, en territòris, e avián de biaisses de s’organizar qu’èran pas tant omofòbs ni penalizavan aital la diferéncia”, çò nos contava, en junh de 2019, la realizaira Alba Muñoz a prepaus de l’activista kenyana Gerald Hayo. Segon la realizaira, l’activista kenyana “fasiá aquela reflexion sus l’instauracion de la familha eterosexuala coma institucion, lo refús de tot çò que s’aluènha de la nòrma e una tièra de nòrmas socialas plan concretas per las femnas e los òmes, e cossí tot aquò se portèt d’Occident mentre que pilhavan las ressorsas del país. Es una reflexion que pòt venir solament d’Africa, e nos avisam qu’es lo legat que lor avèm portat.”
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Donc, un còp de mei, qu'ei la fauta de l'Occident (fatiga). Shishanta ans après la fin de la colonizacion, la persecucion deliranta de l'omosexualitat en Africa, qui n'a jamei avut la soa parièra en Euròpa, qu'ei la fauta deus europèus !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari