Actualitats
Cent ans d’esquí ena Val d’Aran
Quan parlam dera istòria de l’esquí en país, tanben ac hèm de cambiament sociau, economic, d’usatges e d’estils de vida
Eth ligam entre era Val d’Aran e er esquí ei fòrça mès prigond qu’er usatge recreatiu e esportiu d’aué. Ac documente ben eth libre d’Andrèu Pujol e Juli Sala Centansd’esquíenaVald’Aran, publicat per Institut d’Estudis Aranesi-Acadèmia Aranesa dera Lengua Occitana (IEA-AALO).
Quan parlam dera istòria de l’esquí en país, tanben ac hèm de cambiament sociau e economic, d’usatges e d’estils de vida en comunitats que demorauen isolades pendent ua grana part der an e en economies locaus que non podien auançar a causa des condicions extrèmes. Era irrupcion der esquí suposèc, per tant, ua demorada revolucion.
100 ans d’esquí
Eth dia 9 de març de 1919, tres excursionistes deth Centre Excursionista de Catalonha, Lluís Estasen, Josep M. Soler Coll e Pau Badia, per encomana dera Mancomunitat de Catalonha, pugen a pè e damb esquís eth Pòrt dera Bonaigua, peth camin que ven d’Esterri, e atau entre er esquí ena Val d’Aran. Eth dia 11 de març, en Pla de Beret, es tres esquiaires deth CEC repartissen esquís as aranesi. Esquís qu’era Mancomunitat de Catalonha obsequie as ajuntaments dera Val d’Aran.
A prumèra ora, quate vesins de Bargergue e dus de Salardú se caucen damb es esquís, e son fotografiadi per Josep Ma. Soler. A miei maitin s’ahigen dotze òmes de Montgarri. Toti practiquen enquiara tarde e, quan an acabat toti, tornen en casa, a on arriben de net. Es practiques venentes seràn en Salardú, enes madeishi carrèrs deth pòble e en un prat d’apròp. I assistissen 20 abitants de Salardú e Tredòs. Un des parelhs d’esquís va tà mans de Manuel Moga, de Bagergue, un des assistents mès arderosi as prumères practiques en Beret.
Es tres esquiaires deth CEC baishen pera carretèra entà Vielha, a on hèn practiques fòrça concorrudes en un prat, deth 17 enquiath 19 de març. Se lòtgen probablaments en casa de José M. España, conselhèr aranés dera Mancomunitat e esponsor deth projècte amassa damb eth president Josep Puig i Cadafalch.
Estasen escriuec e fotografièc era cronica d’aquera expedicion ena Val d’Aran. En BulletindethCEC escriuec “es aranesi … non solaments se profitaràn der esquí entà passar es pòrts e estauviar es sues vides, se non qu’eth futur pòt convertir era Val d’Aran en un magnific centre d’espòrts d’iuèrn”.
Red/CGA
Quan parlam dera istòria de l’esquí en país, tanben ac hèm de cambiament sociau e economic, d’usatges e d’estils de vida en comunitats que demorauen isolades pendent ua grana part der an e en economies locaus que non podien auançar a causa des condicions extrèmes. Era irrupcion der esquí suposèc, per tant, ua demorada revolucion.
100 ans d’esquí
Eth dia 9 de març de 1919, tres excursionistes deth Centre Excursionista de Catalonha, Lluís Estasen, Josep M. Soler Coll e Pau Badia, per encomana dera Mancomunitat de Catalonha, pugen a pè e damb esquís eth Pòrt dera Bonaigua, peth camin que ven d’Esterri, e atau entre er esquí ena Val d’Aran. Eth dia 11 de març, en Pla de Beret, es tres esquiaires deth CEC repartissen esquís as aranesi. Esquís qu’era Mancomunitat de Catalonha obsequie as ajuntaments dera Val d’Aran.
A prumèra ora, quate vesins de Bargergue e dus de Salardú se caucen damb es esquís, e son fotografiadi per Josep Ma. Soler. A miei maitin s’ahigen dotze òmes de Montgarri. Toti practiquen enquiara tarde e, quan an acabat toti, tornen en casa, a on arriben de net. Es practiques venentes seràn en Salardú, enes madeishi carrèrs deth pòble e en un prat d’apròp. I assistissen 20 abitants de Salardú e Tredòs. Un des parelhs d’esquís va tà mans de Manuel Moga, de Bagergue, un des assistents mès arderosi as prumères practiques en Beret.
Es tres esquiaires deth CEC baishen pera carretèra entà Vielha, a on hèn practiques fòrça concorrudes en un prat, deth 17 enquiath 19 de març. Se lòtgen probablaments en casa de José M. España, conselhèr aranés dera Mancomunitat e esponsor deth projècte amassa damb eth president Josep Puig i Cadafalch.
Estasen escriuec e fotografièc era cronica d’aquera expedicion ena Val d’Aran. En BulletindethCEC escriuec “es aranesi … non solaments se profitaràn der esquí entà passar es pòrts e estauviar es sues vides, se non qu’eth futur pòt convertir era Val d’Aran en un magnific centre d’espòrts d’iuèrn”.
Red/CGA
| PUJOL, Andrèu e SALA, Juli. Centansd’esquíenaVald’Aran. IEA-AALO. Colleccion Istòria, patrimòni e identitat, 2020. 91 pagines. 12 èuros. Indicatz eth còde RINTRADA21 entà auer un descompde deth 5%  |
| fffff | fffff | |
| Pendent los meses d’agost e setembre, los legeires de Jornalet avètz un descompte del 5% sus totes los libres venduts dins la Botiga de Jornalet. Indicatz lo còde RINTRADA21 quand fasètz vòstra crompa. | ||
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ua petita grana òbra damb tota era esséncia e trascendéncia qu'aguest pacte de cabalhèrs, entre Josep Puig i Cadafalch e Jusèp María España , representèc entas Aranesi e tara Val d'Aran. Un libre hèt des dera Val d'Aran damb tot eth sentiment aranés. Gràcirs Andrèu e Juli per aguest trabalh!!!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari