Actualitats
Lo nenon del Nevermind denóncia Nirvana per pornografia infantila
Ara dins sos 30 ans, Spencer Elden cèrca d’encaissar una indemnitat pels “damatges qu’a patit e que contunharà de patir durant tota la vida”
Tèxte legit
Spencer Elden, lo nenon qu’illustrava lo celèbre album Nevermind de Nirvana en nadant darrièr un dolar penjat a un anquet, ven de far sa denóncia contra la banda. Ara dins sos 30 ans, Elden ditz qu’aquel imatge constituís un delicte de pornografia infantila. Son avocat assegura que l’inclusion d’argent dins la fotografia representa l’enfanton coma “un trabalhador sexual”.
La denóncia sosten que la banda Nirvana benefícia totjorn d’aquela “esplecha sexuala”. Elden cèrca d’encaissar una indemnitat pels “damatges qu’a patit e que contunharà de patir durant tota la vida”. Entre los 15 denonciats son Dave Grohl e Krist Novoselic, qu'amb lo legendari Kurt Cobain, mòrt en 1994, formavan lo grop Nirvana. A mai, tanben son perseguits Kirk Weddle, lo fotograf que prenguèt l’imatge, e Courtney Love, eiretièra del patrimòni de Kurt Cobain, e lo bateire Chad Channing, e mai faguèsse pas partida de la banda quand sortiguèt Nevermind.
Per la fòto, facha en 1991, lo paire d’Spencer Elden n’aguèt l’idèa. Ne recebèt 200 dolars, e mai l’album aguèsse conegut un succès estrambordant amb mai de 30 milions de còpias vendudas. La cobèrta del disc aguèt un impacte mondial. E tanben marquèt la vida d’Spencer Elden, e mai el se remembre pas lo moment que li faguèron la fòto. De fach, Spencer Elden pòrta un enòrme tatoatge “Nevermind” sul pitre.
Elden a reconstituit la fotografia mai d’un còp long de sa vida, tant a l’adolescéncia coma a l’edat adulta. En 2016 cabussèt per festejar lo 25n anniversari del disc. O aviá tanben fach en 2001 per la revista Rolling Stone, pel 10n anniversari de l’album, e una autra vegada en 2008.
Nevermind es lo segond album estúdio del grop estatsunidenc de grunge Nirvana, sortit lo 24 de setembre de 1991 als Estats Units e lo 23 en Euròpa pel labèl DGC Records. Gaireben totas las cançons foguèron escrichas e compausadas per Kurt Cobain. L’album es considerat coma una estapa importanta de la cultura pòp.
La denóncia sosten que la banda Nirvana benefícia totjorn d’aquela “esplecha sexuala”. Elden cèrca d’encaissar una indemnitat pels “damatges qu’a patit e que contunharà de patir durant tota la vida”. Entre los 15 denonciats son Dave Grohl e Krist Novoselic, qu'amb lo legendari Kurt Cobain, mòrt en 1994, formavan lo grop Nirvana. A mai, tanben son perseguits Kirk Weddle, lo fotograf que prenguèt l’imatge, e Courtney Love, eiretièra del patrimòni de Kurt Cobain, e lo bateire Chad Channing, e mai faguèsse pas partida de la banda quand sortiguèt Nevermind.
Per la fòto, facha en 1991, lo paire d’Spencer Elden n’aguèt l’idèa. Ne recebèt 200 dolars, e mai l’album aguèsse conegut un succès estrambordant amb mai de 30 milions de còpias vendudas. La cobèrta del disc aguèt un impacte mondial. E tanben marquèt la vida d’Spencer Elden, e mai el se remembre pas lo moment que li faguèron la fòto. De fach, Spencer Elden pòrta un enòrme tatoatge “Nevermind” sul pitre.
Elden a reconstituit la fotografia mai d’un còp long de sa vida, tant a l’adolescéncia coma a l’edat adulta. En 2016 cabussèt per festejar lo 25n anniversari del disc. O aviá tanben fach en 2001 per la revista Rolling Stone, pel 10n anniversari de l’album, e una autra vegada en 2008.
Nevermind es lo segond album estúdio del grop estatsunidenc de grunge Nirvana, sortit lo 24 de setembre de 1991 als Estats Units e lo 23 en Euròpa pel labèl DGC Records. Gaireben totas las cançons foguèron escrichas e compausadas per Kurt Cobain. L’album es considerat coma una estapa importanta de la cultura pòp.
Google Spencer Elden before the case gets thrown out... pic.twitter.com/iQZ2a9Z36v
— Derek Brink (@Derek_Brink) August 25, 2021
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Deuriá ficar dirèctament Kurt Cobain en procès ! Benlèu se trobaràn d'inquisitors americans per li levar las cendres del sòl e las li ficar al fòc…
Spencer Elden, de tant qu'a patit d'aquera fòto, que's hasó tatoar "Never Mind" suu piet e que's hasó fotografiar com sus la fòto de "Never Mind" mei d'un còp. E los tribunaus americans que'u daràn rason, ne hè pas nat dobte.
Aqueles americans ! Tot es plan per eles per far los processes los mai fantasieroses e ne retraire un fais de moneda. Aquò vai del tipe qu'aprèp s'ésser tubats tota sa vida tres paquets de cigarètas per jorn t'ataca la companhia dels tabacs perque s'es agantat un cancer, a la femna que pòrta planh per agression sexuala perque li avètz fach un cluquèt d'uòlh. E lo pièger es qu'aquò rapòrta gròs se l'avocat-caçaire-de-primas es pron biaissut, d'autant pus qu'aquel avocat-caçaire-de-primas tendrà un interessament pus que lucratiu. Aquesta mòda cinica de la marrida fe la mai desvergonhosa per traire d'argent a quauqun, mescla de Far-West e de Dallas, arriba tanben al nòstre e ne fai jà somiar mai d'un. Puta, sem mal-barrats !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari