Actualitats
Rumans: mobilizacion contra lo barrament del musèu de la Resisténcia e de la deportacion
Fondat en 1972 per d'ancians resistents, a pas tornat dobrir après lo confinament. La comuna evòca de rasons economicas e tanben lo caractèr “obsolet” del musèu
Tèxte legit
D’ancians combatents e d’abitants de Rumans (Valentinés) manifestèron dimenge passat contra lo barrament del musèu consagrat a la Resisténcia e a la deportacion. Lo musèu lo creèron en 1972 d’ancians resistents, mai que mai sortits del maquis del Vercòrs. Ocupava un espaci d’aperaquí 250 m2 dins un ancian convent de la vila partejat amb lo Musèu internacional de la Calçadura, per la quala Rumans es una vila coneguda.
Après lo confinament, lo musèu a pas tornat dobrir. La comuna evòca de rasons economicas e tanben lo caractèr “obsolet del musèu”. Aquela decision, anonciada dempuèi genièr per la consolessa màger, Marie-Hélène Thoraval (Los Republicans), a suscitat l’indignacion de las associacions d’ancians combatents e d’un certan nombre d’abitants.
Una peticion sus Change.org amassa a l’ora d’ara mai de 21 300 signaturas per salvagardar lo musèu.
Après lo confinament, lo musèu a pas tornat dobrir. La comuna evòca de rasons economicas e tanben lo caractèr “obsolet del musèu”. Aquela decision, anonciada dempuèi genièr per la consolessa màger, Marie-Hélène Thoraval (Los Republicans), a suscitat l’indignacion de las associacions d’ancians combatents e d’un certan nombre d’abitants.
Una peticion sus Change.org amassa a l’ora d’ara mai de 21 300 signaturas per salvagardar lo musèu.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Una peticion alternativa es en linha per denonçiar lo fach que la Marie-Hélène Thoraval es obsoleta tamben
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari