Actualitats
Lo president d’Irlanda fa remarcar a Macron l’importància del breton
Durant la vesita del president francés dins l’illa, Mícheál D. Ó hUigínn li a dich que lo breton es “un element fondamental de la cultura francesa”
Tèxte legit
Lo president d’Irlanda, Mícheál D. Ó hUigínn (en anglés “Michael D. Higgins”), a demandat a son omològ francés, Emmanuel Macron, que desvolope lo breton “coma element fondamental de la cultura francesa”. O faguèt dijòus passat, 26 d’agost, a l’ocasion de la vesita de Macron al país dels 26 comtats, çò rapòrta Breizh-info.
Dins son discors, entamenat en gaelic, Ó hUigínn diguèt a Macron qu’una lenga “se redutz pas a un esplech de comunicacion” mas a “la substància que nos fa venir umans”. Dins aquel sens, lo president irlandés diguèt a Macron que son país a doas lengas e que, malgrat que l’anglés siá “de luènh la lenga dominanta”, lo gaelic es “un element fondamental de la cultura. Totparièr que lo breton es una part importanta de la cultura francesa, e un ligam amb la nòstra”. Enfin, Ó hUigínn parlèt en favor de la diversitat lingüistica “que deu segurament èsser al còr de nòstre avenidor europèu comun”.
Al començament de son discors, lo president d’Irlanda aviá saludat especialament lo ministre dels afars estrangièrs de França, son “vièlh amic Jean-Yves Le Drian”, en soslinhant que coma breton èra cèlta coma el.
Dins son discors, entamenat en gaelic, Ó hUigínn diguèt a Macron qu’una lenga “se redutz pas a un esplech de comunicacion” mas a “la substància que nos fa venir umans”. Dins aquel sens, lo president irlandés diguèt a Macron que son país a doas lengas e que, malgrat que l’anglés siá “de luènh la lenga dominanta”, lo gaelic es “un element fondamental de la cultura. Totparièr que lo breton es una part importanta de la cultura francesa, e un ligam amb la nòstra”. Enfin, Ó hUigínn parlèt en favor de la diversitat lingüistica “que deu segurament èsser al còr de nòstre avenidor europèu comun”.
Al començament de son discors, lo president d’Irlanda aviá saludat especialament lo ministre dels afars estrangièrs de França, son “vièlh amic Jean-Yves Le Drian”, en soslinhant que coma breton èra cèlta coma el.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Segur que coma coneis pas que lo patés de la City, aquel sacamand comprend pas l'anglés d'Irlanda.
#3 A degut far sa rintrada de professor o de licean
On ei passat l'amicus macronis?
Dins aquel mond cinic e ipocrit de l'Euròpa maastrichiana ont la solidaritat dels òmes politics vai çò primièr als Estats e non pas als pòbles, coma l'a mostrat lo silenci complici de Brussèlas fàcia a la salvatja repression espanhola del referendum catalan de 2017, aquela dicha del president irlandès fa caud al còr ! D'autras iniciativas vengudas atal de l'exterior de França serian las benvengudas per nos desenclavar del ghettò "curiositat iperlocalista e sens interès" ont Paris nos aclapa e nos manten de longa.
On dirait presque un peis d'abril
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari