#8 Pendent la guèrra afgano-sovietica, los Talibans existissián pas. I aviá los modjaidine, la majoritat musulmans (mai que mai los de la Joventut Islamica, menada per lo pashtoun radical Hekmatyar, qu'es pas un tendre). Mas èra un movement eterogèn (l'occident a totjorn aimat mai lo bèl tadjik Massoud, lo "lion del pandchir, educat al licèu francés e de que lo filh es ara a las comandas).

Mas minimizar la responsabilitat del nombre de mòrts en accusar los modjaïdine de terrorisme islamic coma o fasètz dins vòstre comentari, aquò mòstra vòstra desconeissença de l'istòria recenta. informatz-vos (sorça wiki https://fr.wikipedia.org/wiki/Guerre_d%27Afghanistan_(1979-1989):
Civils :
562 0009 – 2 000 000 morts10,11
5 millions de réfugiés afghans hors d'Afghanistan
2 millions de déplacés internes
≈ 3 millions d'afghans blessés (majoritairement civils)

Es tan criminal que se clucar los uèlhs sus la violéncia de la dictatura islamica, qu'ai pas negat.
Ai sonque ponchat l'origina d'aquesta violéncia e l'ipocrisia dels editocratas occidentals e de sos legeires.

Lo Macron es mai finòt qu'aqules barbuts. Los esbirras del macronicament corrècte evitan d'apareisser sus la fòto.

#7 Aquí Lo Mond, que vs'arremercii d'aver explicat la vòsta posicion e que'vs demandi excusa d'aver dit qu'èratz d'extrèma-dreta. Qu'avetz rason de soslinhar lo doble critèri qui aplicam au regime saudí e aus talibans. Per aquò, que crei que'ns podem regaudir que los vint ans shens los talibans (d'acòrd, d'ocupacion americana, tà estar clars) ajan permetut a hemnas afganas de deviéner jutjas, jornalistas, o enqüèra de har espòrt, çò qui demòstra que - non pas lo noste modèle de civilizacion, lhèu - mes causas qui èm mei costumèrs de trobar en Occident atiran ua bona part deus afgans. Perqué caleré cridar "nèo-colonialisme" ? Per jo, aqueths jornalistas qui citatz (ne sèi pas de qui parlatz, mes ne legi pas tot, n'espii pas tot) ne deverén pas plorassejar. Los talibans ne son pas los afgans.

#6 Cara mosca can his ca, fasiai d'ironia sus l'incredulitat nècia e la mentalitat missionària dels jornalistas occidentals qu'arriban pas a encapar que lo modèl de civilizacion qu'avem es pas necessàriament desirat pel demai de la planèta. Pas besonh d'esser d'extrèma drècha ( ço que soi pas !) per o constatar. L'ideologia talibana : charià, mutilacions lapidacions, femnas inferiorizadas..eca... es ni mai ni mens aquela que se practica al Pakistan o en Arabia Saudita. Ah, mas l'Arabia Saudita es pas parrièr, que coma es oficialament aligada de l'Occident e dels Estats Units, la mediaticalha occidentala se garda plan de denonciar sas practicas islamicas que son autant barbaras qu'aquelas dels Talibans. Aqueles Talibans qu'entre parentèsis son totjorn estats dempuèi la debuta generosament financiats pels petro-dollars de....l'Arabia Saudita ! Qu'aquel autentic estat islamic amic de Macron s'acontenta pas de financiar lo PSG, exporta tanben son ideologia integrista wahabita que faria passar l'inquisitor Torquemada per un democrat escandinau, e eisita pas a trissar, copar en talhons los jornalistas que li agradan pas. Vaqui.

#4 Comentaris mercats per la manca d'informacion. Los talibans que son un movement rurau. Ua cèrta modernizacion de la societat afgana que s'ei hèita dens las vilas, donc ne's cau pas estonar se n'a pas tocat los talibans. D'auta part, dens las guèrras citadas peu comentari #1, los talibans qu'an hèit la loa bona part de morts en hant dinc a atemptats suicidis. Non solament que semblatz quauque drin indulgents entaus talibans (qui vienen de tuar un cantador folkloric, çò qui deveré escandalizar tots los occitanistas), mes que parlatz shens saber arren de l'Afganistan. Que son comentaris dignes de l'extrèma-dreta, e ne serí pas estonat se lo comentari #2 e'u devèm au comentator d'extrèma-dreta qui vedem a aparéisher de quan en quan ací.