Actualitats
Los Estats Units an completament abandonat Afganistan
Los darrièrs soldats estatsunidencs an quitat lo país vint quatre oras abans la data prevista
Tèxte legit
Lo darrièr dels avions de transpòrt, un C-17, amb lo senhal MOOSE 85, partiguèt de Kabol a miejanuèch segon l’ora locala. I viatjavan los darrièrs grops de soldats qu’avián assegurat la partença de totes los avions precedents e de l’ambaissador dels Estats Units. L’ambaissada es barrada e tot lo personal diplomatic trabalharà d’Al Dawha estant, en Qatar. Los talibans avián permés que s’envolèsson los avions abans d’ocupar l’interior de l’aeropòrt, çò que faguèron tanlèu enaurat lo darrièr dels avions.
Segon un pòrtavotz del Pentagòn, èra previst de completar l’operacion de retirament de 24 oras per aver un relambi de seguretat en cas de tempèri o de problèmas mecanics en qualque avion. Segon lo govèrn estatsunidenc, la mesura a pas res a veire amb los darrièrs atemptats, revendicats per l’autoproclamat Estat Islamic.
Un grop de militars afgans, qu’aviá ajudat los estatsunidencs a abandonar l’aeropòrt, foguèron tanplan evacuats amb lors familhas. Ara la preocupacion pertòca los milièrs de personas que son demoradas al país sens lo poder quitar. Los Estats Units asseguran que lo nòu govèrn afgan las daissarà partir quand l’aviacion civila tornarà operar a Kabol, mas i a pas cap de garentida. Al contrari, l’ÒNU denóncia que los talibans son a far “d’execucions somàrias” de militars, de civils dissidents e mai de musicians e de femnas que pòrtan pas la tenguda impausada.
#Afghanistan: A return to past practices by the Taliban will not find acceptance in the int'l community – neither now, nor in the future. The Afghan people have come too far for such an outcome to ever be tolerable – @mbachelet tells @UN_HRC#SS31.
— UN Human Rights (@UNHumanRights) August 24, 2021
https://t.co/e7Ww8roowkpic.twitter.com/gF6ulwbKFa
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aquò que fai l'unanimitat al dintre de tota la jornalistalha francesa es l'indignacion grandassa de constatar qu'aprèp quand mèsma vint ans d'aculturament cap a La Civilizacion (la nòstra, l'universala !)
aqueles fotrals de Talibans son totjorn pas devenguts d'afogats abonats de l'Obs e de Télérama ! Puta, i-a vertadièrament de que vos desesperar de tot !
Escotatz, soi pas per los talibans, mas:
los sovietics an fach 1 000 000 de mòrts en 10 ans.
los ricans an occupat lo país 20 ans.
Aquò fa 40 ans qu'una guèrra d'egemonia mondiala destruís aquel país,
e volètz qu'aquel mond sián sociodemocratas?
han pas abandonats lo pais , a pròva contunhan d'ajudar los talibans ambe sos bombinetas e drònes (jornalet 30/08). Los talibans son pas qu un produch de l imperialisme nortamerican.
Los Estats Units an completament "abandonat" Afganistan, coma Alemanha a completament "abandonat" França en 1944, coma França a completament "abandonat" Argeria en 1962, coma Portugal a completament "abandonat" Angola en 1975 e coma Russia a completament "abandonat" Afganistan en 1989.
Qu'en fach los Estats-Unis en Afganistan sinon de multiplicar per 20 la produccion d'opium?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari