L’òme bionic mai complet fins ara s’apèla Rex, fa dos mètres de naut e a de cambas, una boca, d’uèlhs e un nas, e tanben un còr, de sang e d’organs coma lo pancreàs, un ren, la mèlsa e la traquèa; tot es artificial. Encara li manca de carn.

L’engenh a costat 741 000 èuros e se pòt veire dempuèi dijòus passat al Musèu de la Sciéncia de Londres, que i serà expausat dusca a la fin de març.
 
Sos creators, expèrts en robotica, an soslinhat que lo resultat nos permet de saber “que sèm fòrça près de rebastir lo còrs uman amb de tecnologias proteticas”, segon çò qu’afirmèt a la BBC Richard Walker, un dels scientifics.
 
“Qualques partidas qu’avèm ja emplegadas, las pòrtan qualques personas que pòdon viure mercés a elas”, çò apondèt. Per exemple, las retinas artificialas. L’idèa es d’ajudar las personas andicapadas dins l’avenir.