L’Institut d’Estudis Occitans del departament de Tarn recruta per aquesta rintrada un animator (o animatritz) cargat d’animacions pedagogicas occitanas per dròlles e adultes. L’emplec consistís a menar d’animacions pedagogicas en collaboracion amb los musèus departamentals al Castèl de Cailar en Galhaqués, a aculhir los publics escolars de primari, collègi e licèu; a animar d’obradors per adultes d’iniciacion a l’occitan a Albi, a participar a d’animacions dins d’ostals de retirada del país e a èsser actiu dins la vida associativa en ajudant a la concepcion d’animacions, a la dictada occitana, a la tenguda de taulièrs de libres, etc.
 
Lo luòc de l’emplec es basat a Reialmont (País d’Albi) e dins lo departament de Tarn en general, e se requerís de mobilitat e un occitan legit, parlat e escrich. Per mai d’informacions e depausar la candidatura podètz clicatz aicí.