Actualitats
Groenlàndia: de scientifics aurián descobèrta la tèrra mai al nòrd del Mond
La trobalha se ven de far ara que i a un conflicte per las rotas maritimas qu’apareisson amb lo desglaç
Tèxte legit
Una expedicion scientifica elveticodanesa a descobèrta una pichona illa près de Groenlàndia, la mai septentrionala del Mond. La trobalha se ven de far ara que i a un conflicte pel contraròtle de las zònas de pesca e de cèrtas rotas maritimas qu’apareisson amb lo desgèl.
Los exploraires, dins un primièr moment, pensavan qu’èran arribats a Oodaap Qeqertaa, una illa descobèrta en 1978, que, fins ara, se considerava coma la mai septentrionala de la planeta. Totun, doas setmanas puèi, quand l’expedicion èra acabada, verifiquèron que l’illòt se trobava a 780 mètres mai al nòrd-oèst de çò que cresián.
Mesura aperaquí 30 mètres sus 60 e se situa entre 3 e 4 mètres a respècte del nivèl de la mar. Los cercaires recomandan que li digan Qeqertaq Avannarleq, que significa “l’illa mai septentrionala” en groenlandés. Totun, la decision serà del Conselh de Groenlàndia pels noms de luòcs, format en 2017.
La possibilitat d’espandir las revendicacions territorialas a l’ocean Artic es condicionada al fach que Qeqertaq Avannarleq mantenga son estatut d’illa, pr’amor que, per èsser reconeguda coma tala, deu restar al dessús del nivèl de la mar quitament amb la marèa nauta. Tanben poiriá èsser una sòrta de barrièra de sabla sens gaire estabilitat e, per tant, se sap pas fins a quin ponch aquela expedicion elveticodanesa poiriá èsser permanenta.
Los exploraires, dins un primièr moment, pensavan qu’èran arribats a Oodaap Qeqertaa, una illa descobèrta en 1978, que, fins ara, se considerava coma la mai septentrionala de la planeta. Totun, doas setmanas puèi, quand l’expedicion èra acabada, verifiquèron que l’illòt se trobava a 780 mètres mai al nòrd-oèst de çò que cresián.
Mesura aperaquí 30 mètres sus 60 e se situa entre 3 e 4 mètres a respècte del nivèl de la mar. Los cercaires recomandan que li digan Qeqertaq Avannarleq, que significa “l’illa mai septentrionala” en groenlandés. Totun, la decision serà del Conselh de Groenlàndia pels noms de luòcs, format en 2017.
La possibilitat d’espandir las revendicacions territorialas a l’ocean Artic es condicionada al fach que Qeqertaq Avannarleq mantenga son estatut d’illa, pr’amor que, per èsser reconeguda coma tala, deu restar al dessús del nivèl de la mar quitament amb la marèa nauta. Tanben poiriá èsser una sòrta de barrièra de sabla sens gaire estabilitat e, per tant, se sap pas fins a quin ponch aquela expedicion elveticodanesa poiriá èsser permanenta.
Au Groenland, des scientifiques auraient découvert la terre la plus au nord du monde #AFP#AFPTVpic.twitter.com/WREIIqCEm5
— Agence France-Presse (@afpfr) August 31, 2021
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#5 Ieu, veiriái mailèu una Occitania ni granda ni pichona (doas mars, doas planas, e tres montanhas) governada pel sieu pòble, e pel sieu pòble sonque. De presidents, n'ai besonh, enventualament, dins d'associacions, mas enlòc mai… Mens que tot d'un arlèri ultraliberal coma aqueste…
#8 Fachiste !
#8 Sénher, sètz pas amusant, quitatz de comentar los articles de Jornalet !!!
La lenga pròpia parlada en Groenland es l'inuit.
Òsca al Sénher Albert Puech de Rodés pel seu umor .... que contunhe
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari