Actualitats
Rugbi de XIII: la remontada, coma la cargolada, es una especialitat catalana
Cercatz d’emocions fòrtas? Una solucion simpla: seguir una partida o una sason de rugbi de XIII, que se passa totjorn quicòm fins a la darrièra segonda, fins al darrièr còp de fiulet o a la darrièra partida!
Alan Roch
Superliga: quand lo dragon s’enflamba…
La partida entre los primièrs, los Dragons Catalans, e los segonds e campions, Saint Helens, èra en cap d’aficha de la Dimenjada Magica que se tenguèt a Newcastle.
Los Sang e Aur comencèron del melhor biais amb un ensag d’anguiala de Sam Tomkins (finta de passa, cambiament de pè, butada), transformat per Maloney.
En inferioritat numerica aprèp un carton jaune, los angleses mandan l’alièr Markinson a l’ensag e prenon la direccion del jòc: l’arrièr escocés Coote marca, puèi lo centre Mata’utia bonifica un eslalòm dins la defensa catalana. Coote ajusta doas transformacions e una penalitat que permeton als Sants de menar 18-6 a la pausa.
A la represa, Mata’utia i torna d’un segond ensag personal. Los Sang e Aur replican per Julian Bosquet que s’espatarra entre los pals: 12-24. Òm crei la partida plegada a la 70a minuta quand lo tresen-linha Morgan Knowles se desfà del placatge de 4 o 5 catalans per puntar l’ensag del 30-12.
Demòran cinc minutas a jogar. Godemand libèra a nautor una palma pel centre Dean Whare: ensag transformat per Maloney: 18-30. 78a: Morgue i va de sa corsa en zigazaga e, placat, transmet a Dudson que marca, Maloney transforma: 24-30.
Demòran 3 segondas de jòc. Tengut sus l’ala esquèrra, passa a Drinkwater que monta una candela. Alara que la còrna restontís, dins l’en-but, Sam Kasiano reculhís l’objècte ovoïde dins sos braces e lo pausa sus la pelena! Transformacion de Maloney: 30-30; ne cal passar pel punt en aur!
Las primièras cinc minutas balhan pas res: cap d’equipa capita pas de se metre en posicion de marcar. Lo centre catalan Samisoni Langi sortís sus un baiard aprèp un placatge sevèr: lo responsable de la malafacha pren un carton jaune. Lachan Coote tusta lo tombat, lo president de Saint Helens se lèva, braces al cèl, e se vira cap al public en signe de victòria, mas… la palma es passada a costat.
Los catalans remontan volontàriament mas penosament lo terren. Es pas dins un cadieral que Maloney va tustar lo tombat: dels 40 mètres e excentrat amb los angleses que montan sus el: tusta e… la palma passa entre los pals: victòria 31-30 pels Sang e Aur! Cal pas jamai desesperar… Quina remontada: Barça-Dragons, meteis combat!
Los catalans son segurs de daverar la distincion onorifica del bloquièr de primièr de la sason regulara, abans la recepcion d’Huddersfield (aqueste dissabte 11) e un desplaçament a Wigan. Los caps son ja virats cap a la mièja finala prevista lo dijòus 30 de setembre a Brutus, estapa sul camin de la finala e d’Old Trafford!
Aqueste dissabte, es tanben al punt en aur que Leeds bat Hull FC 25-24 dins una partida decisiva per la qualificacion per las pelhòfas, alara que Castleford dispausa de Salford 29-18.
Dimenge, dins una partida sens enjòc, Wakefield domina Huddersfield 32-18. Warrington confirma sa tresena plaça amb una victòria 10-6 contra Wigan, dins una partida ont cap de punt se marquèt pas dins lo segond temps. En batent Leigh 44-6, Hull KR garda un espèr de qualificacion.
Championship: novèla victòria del TO
Aqueste dimenge, Tolosa afrontava Bradford en tèrra anglesa e ne torna amb una larga victòria: 60-6.
Coma plan d’autras formacions, York vendrà pas dissabte 11 dins la Ciutat Mondina e la partida es anullada.
NRL: los Titans se convidan en darrièra minuta a las pelhòfas
A calgut esperar lo darrièr jorn de la competicion per conéisser lo nom dels uèit qualificats per las fasas finalas. De fait, demorava de saupre lo nom de l’ueiten qualificat a designar entre tres formacions.
En perdent 16-40 fàcia als Polets per Canberra e 16-28 per las Làmias contra Melbourne, las doas formacions se veson passar a la diferéncia de punts pels Titans que devián batre d’un escart de 12 punts los neozelandeses per se qualificar e que faguèron pas dins la mièja mesura en ganhant 44-0.
Los darrièrs, los Dògols, acaban la sason sus una victòria: 38-0 contra de Tigres qu’avián pas res a jogar.
Dins lo naut del tablèu, al primièr torn, divendres 10, Melbourne jogarà contra Manly, autor d’una bona fin de sason e que passa los Polets per la quatrena plaça. Autra partida (dissabte 11): Pantèras-Lapinons. Los venceires se qualificaràn per las mièjas finalas; los perdents auràn dreit a un torn de repesca contra los ganhants dels afrontaments Polets-Titans (dissabte) e Parramatta-Newcastle (dimenge). Los perdeires d’aquelas partidas auràn acabada la sason.
Totes los rescontres se debanaràn sus de terrens de Queensland: l’avantatge de jogar a domicili serà pas ongan a l’òrdre del jorn.
Elèit 1 e Elèit 2: trastejaments federals
Los clubs d’Elèit 2 discutisson amb la Federacion sul format de lor competicion que la debuta se farà en octòbre e non pas a la mitat de setembre. Dins un primièr temps, la Federacion aviá anonciat la davalada del darrièr d’Elèit 1 e la montada de 4 formacions d’Elèit 2 per una competicion a 12 clubs la sason venenta. La proposicion es ara: pas de davalada pel darrièr d’Elèit 1; montada dels 2 finalistas d’Elèit 2 ; un tresen club serà causit sus dorsièr per jogar al mai naut nivèl. De seguir…
Alan Roch
La partida entre los primièrs, los Dragons Catalans, e los segonds e campions, Saint Helens, èra en cap d’aficha de la Dimenjada Magica que se tenguèt a Newcastle.
Los Sang e Aur comencèron del melhor biais amb un ensag d’anguiala de Sam Tomkins (finta de passa, cambiament de pè, butada), transformat per Maloney.
En inferioritat numerica aprèp un carton jaune, los angleses mandan l’alièr Markinson a l’ensag e prenon la direccion del jòc: l’arrièr escocés Coote marca, puèi lo centre Mata’utia bonifica un eslalòm dins la defensa catalana. Coote ajusta doas transformacions e una penalitat que permeton als Sants de menar 18-6 a la pausa.
A la represa, Mata’utia i torna d’un segond ensag personal. Los Sang e Aur replican per Julian Bosquet que s’espatarra entre los pals: 12-24. Òm crei la partida plegada a la 70a minuta quand lo tresen-linha Morgan Knowles se desfà del placatge de 4 o 5 catalans per puntar l’ensag del 30-12.
Demòran cinc minutas a jogar. Godemand libèra a nautor una palma pel centre Dean Whare: ensag transformat per Maloney: 18-30. 78a: Morgue i va de sa corsa en zigazaga e, placat, transmet a Dudson que marca, Maloney transforma: 24-30.
Demòran 3 segondas de jòc. Tengut sus l’ala esquèrra, passa a Drinkwater que monta una candela. Alara que la còrna restontís, dins l’en-but, Sam Kasiano reculhís l’objècte ovoïde dins sos braces e lo pausa sus la pelena! Transformacion de Maloney: 30-30; ne cal passar pel punt en aur!
Las primièras cinc minutas balhan pas res: cap d’equipa capita pas de se metre en posicion de marcar. Lo centre catalan Samisoni Langi sortís sus un baiard aprèp un placatge sevèr: lo responsable de la malafacha pren un carton jaune. Lachan Coote tusta lo tombat, lo president de Saint Helens se lèva, braces al cèl, e se vira cap al public en signe de victòria, mas… la palma es passada a costat.
Los catalans remontan volontàriament mas penosament lo terren. Es pas dins un cadieral que Maloney va tustar lo tombat: dels 40 mètres e excentrat amb los angleses que montan sus el: tusta e… la palma passa entre los pals: victòria 31-30 pels Sang e Aur! Cal pas jamai desesperar… Quina remontada: Barça-Dragons, meteis combat!
Los catalans son segurs de daverar la distincion onorifica del bloquièr de primièr de la sason regulara, abans la recepcion d’Huddersfield (aqueste dissabte 11) e un desplaçament a Wigan. Los caps son ja virats cap a la mièja finala prevista lo dijòus 30 de setembre a Brutus, estapa sul camin de la finala e d’Old Trafford!
Aqueste dissabte, es tanben al punt en aur que Leeds bat Hull FC 25-24 dins una partida decisiva per la qualificacion per las pelhòfas, alara que Castleford dispausa de Salford 29-18.
Dimenge, dins una partida sens enjòc, Wakefield domina Huddersfield 32-18. Warrington confirma sa tresena plaça amb una victòria 10-6 contra Wigan, dins una partida ont cap de punt se marquèt pas dins lo segond temps. En batent Leigh 44-6, Hull KR garda un espèr de qualificacion.
Championship: novèla victòria del TO
Aqueste dimenge, Tolosa afrontava Bradford en tèrra anglesa e ne torna amb una larga victòria: 60-6.
Coma plan d’autras formacions, York vendrà pas dissabte 11 dins la Ciutat Mondina e la partida es anullada.
NRL: los Titans se convidan en darrièra minuta a las pelhòfas
A calgut esperar lo darrièr jorn de la competicion per conéisser lo nom dels uèit qualificats per las fasas finalas. De fait, demorava de saupre lo nom de l’ueiten qualificat a designar entre tres formacions.
En perdent 16-40 fàcia als Polets per Canberra e 16-28 per las Làmias contra Melbourne, las doas formacions se veson passar a la diferéncia de punts pels Titans que devián batre d’un escart de 12 punts los neozelandeses per se qualificar e que faguèron pas dins la mièja mesura en ganhant 44-0.
Los darrièrs, los Dògols, acaban la sason sus una victòria: 38-0 contra de Tigres qu’avián pas res a jogar.
Dins lo naut del tablèu, al primièr torn, divendres 10, Melbourne jogarà contra Manly, autor d’una bona fin de sason e que passa los Polets per la quatrena plaça. Autra partida (dissabte 11): Pantèras-Lapinons. Los venceires se qualificaràn per las mièjas finalas; los perdents auràn dreit a un torn de repesca contra los ganhants dels afrontaments Polets-Titans (dissabte) e Parramatta-Newcastle (dimenge). Los perdeires d’aquelas partidas auràn acabada la sason.
Totes los rescontres se debanaràn sus de terrens de Queensland: l’avantatge de jogar a domicili serà pas ongan a l’òrdre del jorn.
Elèit 1 e Elèit 2: trastejaments federals
Los clubs d’Elèit 2 discutisson amb la Federacion sul format de lor competicion que la debuta se farà en octòbre e non pas a la mitat de setembre. Dins un primièr temps, la Federacion aviá anonciat la davalada del darrièr d’Elèit 1 e la montada de 4 formacions d’Elèit 2 per una competicion a 12 clubs la sason venenta. La proposicion es ara: pas de davalada pel darrièr d’Elèit 1; montada dels 2 finalistas d’Elèit 2 ; un tresen club serà causit sus dorsièr per jogar al mai naut nivèl. De seguir…
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Las bilhetas per la mièja-finala del dijòus 30 de setembre (20h45) a Brutús son en venda :
http://www.catalansdragons.com/articles-9/234-8951-billetterie-demi-finale/
Dissabte, poiretz seguir (s'anatz pas a Brutús), la partida Dragons-Gigants sus BeInSport (a 7 oras del ser).
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari