Per operar sus la linha Marselha-Niça via Tolon, lo conselh regional de Provença causís Transdev, que promet a partir de 2025 de doblar la circulacion dels trens. Dimars passat, la region nomenada Provença-Alps-Còsta d'Azur, prepausèt a sos elegits de designar, dins un vòte que se farà lo 29 d’octòbre, la companhiá Transdev per esplechar la connexion Marselha-Niça. Las autras societats que cèrcan aquela concession, que concernís lo 10% de la circulacion regionala de trens, son Thello, la filiala de la societat publica italiana Trenitalia, e la quita SNCF, que perdriá sa primièra linha TER.
 
D’autre caire, la region prepausa que l’SNCF contunhe d’esplechar las linhas “Azur” qu’incluson las connexions entre Leis Arcs/Draguignan e Ventemilha, Niça-Tenda e Canas-Grassa, çò es lo 23% del trafec regional.
 
E mai siá anonciada dempuèi longtemps, es ara que se concretiza la dobertura a la concurréncia del mercat del transpòrt ferroviari de passatgièrs dins l’estat francés, valent a dire la fin del monopòli de l’SNCF, çò rapòrta La Tribune.
 
 

La SNCF va perdre la liaison TER Marseille-Nice au profit de Transdev, une décision historique. Il s’agirait de la première ligne ferroviaire régionale échappant à la SNCF dans le cadre de la mise en concurrence. https://t.co/uMeWcMPKA5

— Le Monde (@lemondefr) September 8, 2021