Actualitats
20 ans après los atacs terroristas que cambièron l’istòria
Après una longa “guèrra contra la terror” qu’a daissat mai d’un milion de mòrts, Afganistan es tornarmai entre las mans dels talibans e lo terrorisme jihadista s’es multiplicat sus la planeta
Tèxte legit
Uèi fa 20 ans qu’aguèron luòc los atacs terroristas amb d’avions de linha que los patiguèron los Estats Units. 2606 personas moriguèron dins los atacs contra Nòva York e 126 durant l’atac contra lo Pentagòn de Washington. Totas las televisions dels Estats Units e gaireben de tota la planeta avián de camèras en dirècte sus las doas tors bessonas del WTC de Nòva York e poguèron aital far veire lo segond avion que s’escrachava contra la tor nòrd e pus tard l’esfondrament dels dos immòbles. Al Qaida revendiquèt lo chaple.
Sul pic, los Estats Units declarèron una “guèrra contra la terror” que vendriá lo conflicte mai long e crusèl de l’istòria contemporanèa. Lo combat contra lo jihadisme justificava, segon eles, l’invasion d’Afganistan e d’Iraq e las atrocitats de las presons d’Abu Ghraib e de Guantánamo. Aquesta darrièra es encara en foncionament. A mai, se comencèt de perseguir Wikileaks e, per tant, la libertat d’informacion. De personas coma Julian Assange, Edward Snowden o Chelsea Manning patisson de persecucions fòrça duras per aver revelat d’aspèctes d’aquela guèrra que, sens eles, serián amagats e desconeguts.
Las operacions desencadenadas pels Estats Units e sos aliats dins divèrses païses de l’Orient Mejan an causat un nombre de mòrts a l’entorn del milion de personas, la majoritat de civils. Lo país amb mai de mòrts es Iraq, amb environ 400 000 victimas, seguit de Siria e Afganistan, delà los 200 000 mòrts. De soslinhar tanben de victimas mortalas en Iemèn e Paquistan. Segon las donadas oficialas del Pentagòn lo nombre de soldats e collaboradors de l’armada mòrts dins totas aquelas operacions es de mai de 35 000.
Lo cap d’Al Qaeda, Ossama Bin Laden, foguèt tuat per l’armada dels Estats Units lo 2 de mai del 2011 en Paquistan.
Lo 30 d’agost del 2021, vint ans après los atemptats, los Estats Units daissavan Afganistan, tornarmai entre las mans dels talibans. Lo terrorisme jihadista s’es multiplicat sus la planeta.
Sul pic, los Estats Units declarèron una “guèrra contra la terror” que vendriá lo conflicte mai long e crusèl de l’istòria contemporanèa. Lo combat contra lo jihadisme justificava, segon eles, l’invasion d’Afganistan e d’Iraq e las atrocitats de las presons d’Abu Ghraib e de Guantánamo. Aquesta darrièra es encara en foncionament. A mai, se comencèt de perseguir Wikileaks e, per tant, la libertat d’informacion. De personas coma Julian Assange, Edward Snowden o Chelsea Manning patisson de persecucions fòrça duras per aver revelat d’aspèctes d’aquela guèrra que, sens eles, serián amagats e desconeguts.
Las operacions desencadenadas pels Estats Units e sos aliats dins divèrses païses de l’Orient Mejan an causat un nombre de mòrts a l’entorn del milion de personas, la majoritat de civils. Lo país amb mai de mòrts es Iraq, amb environ 400 000 victimas, seguit de Siria e Afganistan, delà los 200 000 mòrts. De soslinhar tanben de victimas mortalas en Iemèn e Paquistan. Segon las donadas oficialas del Pentagòn lo nombre de soldats e collaboradors de l’armada mòrts dins totas aquelas operacions es de mai de 35 000.
Lo cap d’Al Qaeda, Ossama Bin Laden, foguèt tuat per l’armada dels Estats Units lo 2 de mai del 2011 en Paquistan.
Lo 30 d’agost del 2021, vint ans après los atemptats, los Estats Units daissavan Afganistan, tornarmai entre las mans dels talibans. Lo terrorisme jihadista s’es multiplicat sus la planeta.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Es pas aquò : lo mond cambièt abans. L'atemptat o provava a los que o volguèron pas veire.
Ne compreni pas perqué l'article e cita la Siria :-(
#1: N'avem pas la pròva de la preséncia de dus avions? Hilh de puta, se ne podetz pas véder los avions sus las videòs filmadas en directe de l'epòca, que'vs va caler cambiar las clucas o crompar ua cana blanca e un can labrador.
Sinon, si los avions ne's son pas arronçats sur las tors, e'm podetz díser çò que son devienguts los passatgèrs e l'equipatge?
#1 Lo Covid 19 es estat fabricat pel Pakistan a la demanda dels Talibans que volian desvirar l'atencion del Mond per poder tuar plan-plan lo paure Charlie Watts qu'avia los plans de l'invasion de Kabol. Coma aquel abans de morir aguèt lo temps de mandar l'informacion als Iluminati per l'intermediari de Corto Maltese que tornava de Montsegur ...Mas, où , de qu'arriba ? Me damne, son aqui ! Puta, pietat ! Los vèsi ! Arrgh ! Ajuda ! Ajuda! Aj... !
Tot es fach dins la propaganda mediatica per acusar los musulmans e brandir la paur d'un d'jihadisme terroriste que s'epandira sur tota la planeta.
Mas ren n'es segur a començar per daus avions que serian responsables de las doas tors esbolhadas mas que jamai las pròbas de la presença de dos avions son estadas trobadas. Los Estats-Unis an lançat una campanha contre lo terrorisme, tot aquò per catar de las operacions pas totjorn filantropica coma lo developement de l'opium en Afganhistan o ben la garde d'un pipeline.
Mas, l'ora de la veritat a sonnat e lo dejos d'aquela afar es enguera dins las tenebras de la CIA.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari