Lo resson mediatic de las manifestacions independentistas de la Diada de Catalonha es sovent nul dins l’estat francés, coma tanben ongan, e mai Barcelona visquèsse una de las manifestacions mai nombrosas dempuèi la pandemia. De lor latz, los mèdias espanhòls rapòrtan cada annada l’eveniment en n’amagant la reüssida, e ongan parlan de division de l’independentisme e de descoratjament, çò rapòrtan Vilaweb e El Nacional.
 
Dins aquela draia, lo jornal El Mundo a quitament publicat una fòto sus la primièra pagina que lo correspondent de The Economist, Lane Greene, a criticat. “I èri e pòdi confirmar que la manifestacion independentista de dissabte foguèt benlèu de 10 a 20 còps mai granda que çò que sembla d’indicar —çò ditz Greene— Evidentament, es malaisit demostrar una engana intencionala de part dels redactors. Mas es pas la fòto qu’auriái causit”.
 
Lo gròs títol sus la primièra pagina de El Mundo disiá “la Diada mai devesida e privada d’encant”, e s’illustrava amb un imatge que mostrava la tèsta de la manifestacion quora virèt per la carrièra a 90^o. En consequéncia, solament se pòt veire una petita partida dels manifestants e darrièr eles tota una avenguda vuèja, pr’amor que lo cortègi èra a davalar per la carrièra perpendiculara.
 

I was there and can confirm Saturday’s independence demonstration was perhaps 10-20 times bigger than this seems to indicate. An intentional deception by the editors is of course hard to prove. But this is not the photo I would have chosen. https://t.co/fyof4ITPYB

— Lane Greene (@lanegreene) September 12, 2021