Actualitats
Lo Parlament Europèu per la reconeissença de las familhas LGBT dins tota l’UE
Los eurodeputats reclaman a la Comission Europèa que s’obligue totes los estats de l’UE de respectar la continuitat juridica dels ligams de las familhas LGBT
Tèxte legit
Lo Parlament Europèu reclama la reconeissença de las familhas LGBT dins totes los estats de l’Union Europèa. Dins una resolucion non constrenhenta aprovada per 387 vòtes en favor, 161 en contra e 123 abstencions, los eurodeputats exprimisson lor chepic per la discriminacion que ne son victimas las familhas LGBT e lors enfants dins qualques païses de l’Union Europèa.
Solament la mitat dels estats de l’UE reconeisson lo maridatge per totes. Es per aquela rason que la resolucion de l’eurocambra reclama un vejaire comun, e demanda als estats que fagan de leis amb la tòca que se garentisca lo respècte total del drech a la vida privada e familiala sens cap de discriminacion.
La resolucion reclama a la Comission Europèa que prepause una legislacion qu’obligue totes los estats de l’UE de respectar la continuitat juridica dels ligams de las familhas LGBT. A mai, demanda tanben que se reconesca dins tota l’UE lo certificat de naissença d’un enfant d’una familha LGBT fornit per un autre estat membre.
Solament la mitat dels estats de l’UE reconeisson lo maridatge per totes. Es per aquela rason que la resolucion de l’eurocambra reclama un vejaire comun, e demanda als estats que fagan de leis amb la tòca que se garentisca lo respècte total del drech a la vida privada e familiala sens cap de discriminacion.
La resolucion reclama a la Comission Europèa que prepause una legislacion qu’obligue totes los estats de l’UE de respectar la continuitat juridica dels ligams de las familhas LGBT. A mai, demanda tanben que se reconesca dins tota l’UE lo certificat de naissença d’un enfant d’una familha LGBT fornit per un autre estat membre.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari