Actualitats
Lo budget de l’UE pel 2014-2020 se redusirà de 13 miliards d’èuros
Van Rompuy a anonciat un acòrdi final pel budget europèu fins en 2020
Lo president del Conselh Europèu, Herman Van Rompuy, anoncièt divendres passat que los màgers dirigents europèus son arribats a un acòrdi pel budget comunautari del periòde 2014-2020. A travèrs d’una fiulada sus Twitter, Van Rompuy assegurèt que los caps d’estat e de govèrn an finalizat lo pache. “Lo Conselh Europèu s’es acordat sus l’encastre budgetari pluriannal per la rèsta del decenni”, çò assegurèt Van Rompuy. Segon lo president del Conselh Europèu, “l’espèra n’a valgut la pena”. Los caps de l’Union Europèa (UE) negocièron pendent mai de 26 oras a Brussèlas, en una de las reünions mai longas de l’istòria europèa.
Lo budget nòu, amb un tech d’engatjament maximal de despensa de 960 miliards d’èuros, es una reduccion de 3% en comparason amb los darrièrs comptes aprovats (2007-2013) e es redusit dins d’airals coma las infrastructuras, la burocracia e la recèrca scientifica. Concretament, lo tech de despensa davala de 33 miliards d’èuros en comparason amb lo periòde budgetari precedent. S’agís de la primièra reduccion del budget de l’UE de l’istòria.
Aquel acòrdi esperat satisfà sustot las demandas dels païses europèus del nòrd, coma lo Reialme Unit e los Païses Basses, que volián una reduccion. Pasmens, manten de subsidis agraris e d’infrastructuras per satisfar las demandas d’autres estats coma França e Portugal.
Après que lo Conselh siá arribat a un acòrdi, lo budget deu èsser aprovat pel Parlament Europèu. Es una aprobacion qu’a l’ora d’ara es pas garentida e que se prevei que pòt demorar longtemps. “Es estada una negociacion malaisida e una avaloracion justa deuriá reconéisser qu’aquel acòrdi es pas perfièch, mas ofrís una basa per la negociacion amb lo Parlament Europèu”, çò diguèt en una conferéncia de premsa lo president de la Comission Europèa, José Manuel Durão Barroso, que crei que las negociacions de l’Europarlament seràn positivas lèu.
Del sieu costat, lo president del Conselh Europèu, Herman van Rompuy, exprimiguèt que se sentís “satisfach” per l’acòrdi e soslinhèt que, malgrat las dificultats economicas, visa tanben la “creissença”. De mai, soslinhèt que lo budget de l’UE a reservat 60 miliards per impulsar un plan de trabalh pels joves e afrontar “l’enjòc mai urgent”, lo del caumatge juvenil.
Lo budget nòu, amb un tech d’engatjament maximal de despensa de 960 miliards d’èuros, es una reduccion de 3% en comparason amb los darrièrs comptes aprovats (2007-2013) e es redusit dins d’airals coma las infrastructuras, la burocracia e la recèrca scientifica. Concretament, lo tech de despensa davala de 33 miliards d’èuros en comparason amb lo periòde budgetari precedent. S’agís de la primièra reduccion del budget de l’UE de l’istòria.
Aquel acòrdi esperat satisfà sustot las demandas dels païses europèus del nòrd, coma lo Reialme Unit e los Païses Basses, que volián una reduccion. Pasmens, manten de subsidis agraris e d’infrastructuras per satisfar las demandas d’autres estats coma França e Portugal.
Après que lo Conselh siá arribat a un acòrdi, lo budget deu èsser aprovat pel Parlament Europèu. Es una aprobacion qu’a l’ora d’ara es pas garentida e que se prevei que pòt demorar longtemps. “Es estada una negociacion malaisida e una avaloracion justa deuriá reconéisser qu’aquel acòrdi es pas perfièch, mas ofrís una basa per la negociacion amb lo Parlament Europèu”, çò diguèt en una conferéncia de premsa lo president de la Comission Europèa, José Manuel Durão Barroso, que crei que las negociacions de l’Europarlament seràn positivas lèu.
Del sieu costat, lo president del Conselh Europèu, Herman van Rompuy, exprimiguèt que se sentís “satisfach” per l’acòrdi e soslinhèt que, malgrat las dificultats economicas, visa tanben la “creissença”. De mai, soslinhèt que lo budget de l’UE a reservat 60 miliards per impulsar un plan de trabalh pels joves e afrontar “l’enjòc mai urgent”, lo del caumatge juvenil.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aqueste budget impausa d'autoritat una reduccion de las despensas publicas : es a dire qu'obliga d'autoritat, al mesprètz de las votacions eventualas de quin pòble, official o non, a esquèrra, de recórrer a de finançaments privats o a renonciar a de servicis publics que servissián los pòbles mai que non pas de se servir d'eles. Lo vesètz pas, vosautres, lo còp d'estats sens carris d'asalh que s'i son liurats un pauc mai cada per far de nosautres non pas mai de ciutadans, mas d'esclaus al servici del capital e de l'accionariat ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari