Actualitats
Se constituís aué eth Conselh Consultatiu der Aranés
Eth nau organisme va conselhar lo Govèrn d’Aran “en matèria de politica e planificacion lingüistiques”
Tèxte legit
Eth Conselh Generau d’Aran constituís aué eth Conselh Consultatiu der Aranés, un organisme “de conselh e consulta en matèria de politica e planificacion lingüistiques”. Era tòca qu’ei de trabalhar entara vitalitat sociau der aranés e de conselhar era suprèma institucion aranesa ena prenuda de decisions, accions e projèctes en qüestions lingüistiques.
Er organisme analisarà es factors que tanhen ara vitalitat sociau dera lengua, proposarà trabalhs de recèrca e arrepòrts, analisarà tanben es accions de politica lingüistica qu’agen incidéncia en Aran, cossent damb er objectiu de promòir er emplec e coneishement der aranés, e dessenharà accions e politiques entà promòir er emplec dera lengua en toti es encastres dera societat aranesa, e entara disponibilitat de productes e servicis en aranés.
Eth Conselh Consultatiu der Aranés ei guidat per Jòrdi Suils, doctor en filologia catalana, professor titular de sociolingüistica occitana e dialectologia romanica, e membre dera Cagira d’Estudis Occitans dera Universitat de Lhèida. Eth que parlèc damb Jornalet a propòs d’aqueth nau organisme.
Er organisme analisarà es factors que tanhen ara vitalitat sociau dera lengua, proposarà trabalhs de recèrca e arrepòrts, analisarà tanben es accions de politica lingüistica qu’agen incidéncia en Aran, cossent damb er objectiu de promòir er emplec e coneishement der aranés, e dessenharà accions e politiques entà promòir er emplec dera lengua en toti es encastres dera societat aranesa, e entara disponibilitat de productes e servicis en aranés.
Eth Conselh Consultatiu der Aranés ei guidat per Jòrdi Suils, doctor en filologia catalana, professor titular de sociolingüistica occitana e dialectologia romanica, e membre dera Cagira d’Estudis Occitans dera Universitat de Lhèida. Eth que parlèc damb Jornalet a propòs d’aqueth nau organisme.
Eth Conselh Generau constituís eth Conselh Consultatiu der Aranés: https://t.co/5rWtfDIEhJpic.twitter.com/enEmhBmBBY
— Conselh Generau d'Aran (@conselharan) September 14, 2021
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
L' aranés al esquí
Les professors de l'escòla d'esquí ensenhan dins la lenga de la clientèla correnta catalan e castelhan, mas als enfants de la vall, l'aranés seria natural. La dificultat es del caire dels professors, emai siáscan araneses.
Un còp qu'ausiguèri una professora en aranés, ella me diguèt qu'ou fasia dambe sos enfants e d'amics, per fin que pensèssen l'esquí en aranés. Per quant al lexic del esquí, que prenia mai le tèrme catalan vesin que non pas le castelhan, de manca d'aisina.
Seria util de fixar un lexic aranés del esquí e de la taula de neu (snowboard) e de provéser de vídeos sul YouTube de corses d'esquí en aranés e catalan tamben, que s'i trapan pas que de castelhan, de francés, e le demai. Les parlars occitans ne poiràn alavetz prèndre exemple.
La lenga se parla coma se pensan las activitats aprésas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari