Actualitats
Es en soscripcion lo Diccionari toponimic d’Arièja de Patrici Pojada
L’obratge reculhís las formas ancianas e actualas dels noms de comunas, masatges, montanhas, rius e encontradas, e ne sintetiza e discutís las ipotèsis etimologicas
Tèxte legit
Es en soscripcion, fins al 31 d’octòbre, lo Diccionari toponimic d’Arièja de Patrici Pojada. Una òbra que tapa un void ja que i aviá pas cap de trabalh recent sus la toponimia de las comunas del Comtat de Fois que se poguèsson comparar amb los que foguèron publicats endacòm mai, dempuèi lo de Miquèu Grosclaude sus Bearn (1991) entrò lo de Dordonha paregut en 2020. Lo prètz de l’òbra en soscripcion es de 20 èuros e lo prètz de venda après la soscripcion serà de 25 èuros.
Lo Diccionari toponimic d’Arièja de Patrici Pojada es destinat a un public grand, qu’aqueste obratge ofrisca un recuèlh de las formas ancianas del nom de cada comuna mas tanben de masatges, noms de montanha, rius, païses e encontradas n’es un interès màger coma o es que ne sintetize e discutisca las ipotèsis etimologicas, e, al lum de tot aquò, que prepause una forma grafica occitana que pòsca, a l’encòp, téner compte de l’istòria del nom del luòc e s’adaptar a la realitat locala.
L’obratge se dobrís per una introduccion que presenta los enjòcs de la toponimia e los problèmas que pausa. Tanplan compren la lista de las fonts e de la bibliografia utilizadas que constituisson un vertadièr instrument de trabalh pel lector. Lo libre es completat d’un biais util per un glossari dels tèrmes lingüistics emplegats dins las fichas dels toponims estudiats.
Patrici Pojada es istorian, lingüista e cercaire occitan, especialista de las relacions occitanocatalanas e de las migracions occitanas, e es professor d'istòria a l'Universitat de Perpinhan. Es tanben membre del conselh lingüistic del Congrès Permament de la Lenga Occitana, de l'Institut d'Estudis Araneses-Acadèmia Aranesa de la Lenga Occitana e foguèt president del Grop de Lingüistica Occitana. Es membre de la seccion istoricoarqueologica de l'Institut d'Estudis Catalans.
Lo Diccionari toponimic d’Arièja de Patrici Pojada es destinat a un public grand, qu’aqueste obratge ofrisca un recuèlh de las formas ancianas del nom de cada comuna mas tanben de masatges, noms de montanha, rius, païses e encontradas n’es un interès màger coma o es que ne sintetize e discutisca las ipotèsis etimologicas, e, al lum de tot aquò, que prepause una forma grafica occitana que pòsca, a l’encòp, téner compte de l’istòria del nom del luòc e s’adaptar a la realitat locala.
L’obratge se dobrís per una introduccion que presenta los enjòcs de la toponimia e los problèmas que pausa. Tanplan compren la lista de las fonts e de la bibliografia utilizadas que constituisson un vertadièr instrument de trabalh pel lector. Lo libre es completat d’un biais util per un glossari dels tèrmes lingüistics emplegats dins las fichas dels toponims estudiats.
Patrici Pojada es istorian, lingüista e cercaire occitan, especialista de las relacions occitanocatalanas e de las migracions occitanas, e es professor d'istòria a l'Universitat de Perpinhan. Es tanben membre del conselh lingüistic del Congrès Permament de la Lenga Occitana, de l'Institut d'Estudis Araneses-Acadèmia Aranesa de la Lenga Occitana e foguèt president del Grop de Lingüistica Occitana. Es membre de la seccion istoricoarqueologica de l'Institut d'Estudis Catalans.
 | Per far la soscripcion podètz mandar lo bulletin de soscripcion çai jonch a: IEO-Arièja – 11 Carrièra Henri Fabre – 09100 Pàmias — Email: ieo09@orange... — arieja.ieo-opm.com Es tanben possible de soscriure per HelloAsso. |
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Un trabalh essencial, que caldriá generalizar a tot l'espaci occitan sense se limitar a las solas comunas. Felicitacions !
#2
lo CLO pòt pas far tot a ja dos libres de far per contunhar l'assimil d'occitan, atal aurèm tres libres per aprener e contunhar. e son tanben d'alestir los 4 et 5 .en libres.
An demandat au CLO abans d'alengar aqueth tribalh?
Cartografia
Seria interessant de'n faire una aplicacion cartografica sus las mapas IGN, Google...dambe'na toponimia bilingüa.
Es quicòm de previst?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari