capçalera campanha

Actualitats

InternacionalPolitica

Carles Puigdemont a vesitat l’Assemblada Nacionala francesa

A explicat lo meteis jorn als mèdias qu’aviá de pròvas de l’espionatge politic que lo practica l’estat espanhòl per perseguir e atacar la reputacion dels dissidents politics

Tèxte legit

Lo president de la Generalitat de Catalonha en exili, Carles Puigdemont, vesitèt divendres passat l’Assemblada Nacionala francesa en rescontrant divèrses deputats e senators de la França Insomesa, Libertats e Territòris e d’ecologistas. Lor expliquèt la situacion de Catalonha, son conflicte politic e la repression espanhòla. Puèi se tenguèt un debat ont se parlèt tanben de l’afar d’Escòcia amb lo Reialme Unit e dels referendums de la Nòva Caledònia en constrast amb la posicion de l’estat espanhòl. Puigdemont aprofechèt l’escasença per mercejar los parlamentaris franceses de lor sosten.
 
 
Espionatge politic
 
Puèi, en de declaracions als mèdias, Puigdemont expliquèt qu’aviá de pròvas que l’estat espanhòl practicava l’espionatge politic per perseguir e atacar la reputacion dels dissidents politics. “L’estrategia de repression de l’estat es fòrça sofisticada: compren lo lawfare, las informacions falsas e un espionatge politic de granda envergadura que n’avèm de pròvas, e que serà degudament denonciat”, çò diguèt en tot mostrar son chepic qu’aquò afectèsse la qualitat de la democracia europèa. L’entorn de Carles Puigdemont es estada una de las tòcas del logicial d’espionatge de la societat israeliana Candiru, coma n’aviá avertit Citizen Lab.
 
 
Un documentari quebequés
 
La velha, Puigdemont assistiguèt al Cinèma Saint-André a la projeccion del documentari Avec un sourire, la révolution ! del realizaire quebequés Alexandre Chartrand. Un filme sus la jornada del referendum del 1r d’octòbre de 2017 en Catalonha e Aran que lo 1r d'octòbre que ven se poirà veire sus la television catalana TV3.
 
 




abonar los amics de Jornalet

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Rascalon
4.

França de qu’as fach de ta lengas regionalas ?

  • 4
  • 0
Dins la Cort dels Grands
3.

#2 Fa temps que Catalonha es en cèrca d'onorabilitat e de reconeissènça internacionala pels Estats oficials d'Euròpa e d'endacòm. Per Puigdemont o quin que siague representant de Catalonha independenta lo fach de tratar d'egal a egal amb d'Estats sobeiran a valor de reconeissènça. Dins aquela andana, que compta Occitània que dempuèi un trentenat d'annadas es -coma per azard-totalament desconeguda de las generacions jovas del Principat ?

  • 7
  • 0
Franc Bardòu
2.

#1 Efectivament, a rescontrat una "França insomesa", mas una "França totun sometedoira" ja que non vòl ausir parlar d'autras lengas que lo francés colonial dins las estructuras publicas ni fins los documents oficials. Es lo grop politic siá disent d'esquèrra, mas que confond sistematicament egalitat e uniformitat.

  • 10
  • 0
Lo Ròc Manciet
1.

E donc a rencontrat deputats qu'an votat contra la lei Molac !!!

  • 17
  • 0

Escriu un comentari sus aqueste article