Actualitats
Rugbi de XIII: qual vendrà a Perpinhan lo 30 de setembre?
Las sasons regularas son acabadas pels Dragons Catalans en Superliga e pel Tolosa Olimpic en Championship. Las doas formacions espèran de conéisser lors adversaris per las mièjas finalas
Alan Roch
Wigan, Leeds o Hull KR a Brutus?
L’entraïnaire McNamara aviá decidit de presentar l’esquipa tipe aqueste divendres de ser a Wigan amb, en particular, lo retorn del capitani Benjamin Garcia, absent dempuèi doas mesadas (nafrat al braç). Los catalans manquèron de realisme e perdèron la partida: 12-8.
De son costat, Saint Helens aviá causit de faire virar l’efectiu: desfaita a Salford: 26-14. Tre dijòus, Castleford aviá perdut tot espèr de qualificacion en perdent fàcia als Lops de Warrington 24-40. Leeds confirma sa cinquena plaça en batent Hull KR qu’acaba seisen: 36-12.
15 partidas se poguèron pas jogar dins la sason. Sol, Wigan a disputat lo nombre maximum de 25 partidas. Leeds, Wakefield e Huddersfield n’an jogat 24 e los Dragons 23 (coma Castleford). Hull KR a jogat solament 20 partidas.
En barratge, avèm las oposicions entre lo 3n Warrington e lo 6n Hull KR (dijòus) e entre lo 4n Wigan e lo 5n Leeds (divendres).
Lo dijòus 30, per la mièja finala, los catalans deurián reçaupre los venceires de Wigan-Leeds o Hull KR se bat Warrington.
Tolosa: las fasas finalas a l’ostal
En Championship, los occitans clavan la fasa de classament amb una larga victòria a Newcastle: 82-12. Los Blau e Blanc an pogut jogar solament 14 de las 26 partidas programadas e las ganhar totas.
Reçaupràn lo dissabte 2 d’octòbre de vèspre siá Bradford, siá Batley o Londres.
Oldham e Swinton jogaràn en League One la sason venenta.
NRL: la logica respectada
Las doas partidas del segond torn de las pelhòfas australianas coneguèron de debanaments plan diferents.
Divendres, Manly dominèt de tot en tot de Polets desplumats per se qualificar aisidament 42-6. Dissabte, Penrith deguèt batalhar ferme per gardar l’avantatge 8-6 sus Parramatta dins una partida ont se marquèt pas cap de punt dins lo segond temps. Las mièjas finalas opausaràn Lapinons e Manly d’un caire (divendres) e Melbourne e Penrith d’autre caire (dissabte).
Quatre partidas França-Anglatèrra
La Federacion a confirmat la tenguda de quatre oposicions entre França e Anglatèrra:
— dissabte 23 d’octòbre, a Brutus, se jogaràn lo tèst femenin e lo tèst masculin
— las formacions de XIII cadieral se rescontraràn dos còps en Anglatèrra a Gillingham (dimècres 10 e dissabte 13 de novembre).
Alan Roch
L’entraïnaire McNamara aviá decidit de presentar l’esquipa tipe aqueste divendres de ser a Wigan amb, en particular, lo retorn del capitani Benjamin Garcia, absent dempuèi doas mesadas (nafrat al braç). Los catalans manquèron de realisme e perdèron la partida: 12-8.
De son costat, Saint Helens aviá causit de faire virar l’efectiu: desfaita a Salford: 26-14. Tre dijòus, Castleford aviá perdut tot espèr de qualificacion en perdent fàcia als Lops de Warrington 24-40. Leeds confirma sa cinquena plaça en batent Hull KR qu’acaba seisen: 36-12.
15 partidas se poguèron pas jogar dins la sason. Sol, Wigan a disputat lo nombre maximum de 25 partidas. Leeds, Wakefield e Huddersfield n’an jogat 24 e los Dragons 23 (coma Castleford). Hull KR a jogat solament 20 partidas.
En barratge, avèm las oposicions entre lo 3n Warrington e lo 6n Hull KR (dijòus) e entre lo 4n Wigan e lo 5n Leeds (divendres).
Lo dijòus 30, per la mièja finala, los catalans deurián reçaupre los venceires de Wigan-Leeds o Hull KR se bat Warrington.
Tolosa: las fasas finalas a l’ostal
En Championship, los occitans clavan la fasa de classament amb una larga victòria a Newcastle: 82-12. Los Blau e Blanc an pogut jogar solament 14 de las 26 partidas programadas e las ganhar totas.
Reçaupràn lo dissabte 2 d’octòbre de vèspre siá Bradford, siá Batley o Londres.
Oldham e Swinton jogaràn en League One la sason venenta.
NRL: la logica respectada
Las doas partidas del segond torn de las pelhòfas australianas coneguèron de debanaments plan diferents.
Divendres, Manly dominèt de tot en tot de Polets desplumats per se qualificar aisidament 42-6. Dissabte, Penrith deguèt batalhar ferme per gardar l’avantatge 8-6 sus Parramatta dins una partida ont se marquèt pas cap de punt dins lo segond temps. Las mièjas finalas opausaràn Lapinons e Manly d’un caire (divendres) e Melbourne e Penrith d’autre caire (dissabte).
Quatre partidas França-Anglatèrra
La Federacion a confirmat la tenguda de quatre oposicions entre França e Anglatèrra:
— dissabte 23 d’octòbre, a Brutus, se jogaràn lo tèst femenin e lo tèst masculin
— las formacions de XIII cadieral se rescontraràn dos còps en Anglatèrra a Gillingham (dimècres 10 e dissabte 13 de novembre).
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari