CAPÇALERA PAIS INVISIBLE

Actualitats

EnvironamentInternacional

Canàrias: erupcion volcanica a l’illa de La Palma

L’illa de La Palma ten aperaquí 83 000 abitants dont 35 000 poirián èsser afectats per l’activitat del volcan

| Europa Press

Tèxte legit

Mai de 5000 personas son estadas evacuadas de lors ostals dins l’illa de la Palma, de l’archipèla de las Canàrias, a causa de l’erupcion del volcan Cumbre Vieja. La lava sortís per uèch traucs e davala fins a la mar en traversant quitament una centena d’ostals. Las comunas afectadas son El Paso, Los Llanos de Aridane, Tazacorte, Mazo e Fuencaliente.
 
Pel moment, los damatges son sonque materials e cal pas plànher cap de desastre uman. L’illa de La Palma ten aperaquí 83 000 abitants dont 35 000 poirián èsser afectats per l’erupcion.
 
 
Remembre de fa 50 anys
 
L’erupcion expulsa de lava, de pèiras incandescentas, de cendres e de gases. Es situada dins lo pargue nacional de Cumbre Vieja, dins un airal conegut coma Cabeza de Vaca. Lo volcan èra en repaus dempuèi lo sègle XVII. La darrièra erupcion que se remembra dins aquela illa foguèt la del volcan Teneguia en 1971, que durèt mai d’una setmana e que generèt tanben de rius de lava qu’arribavan fins a la mar.
 

 
 
 
 
 






abonar los amics de Jornalet

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris


I a pas cap de comentari

Escriu un comentari sus aqueste article