Almens 8 personas mòrtas e 24 nafradas es lo tragic bilanç d’una fusilhada a l’Universitat de Perm, en Russia, a 1500 km de Moscòu. Un jove abilhat en negre e amb un casco s’es passejat per las installacions universitàrias en tirant sus las veituras, las parets e las personas amb una arma longa. La polícia a pogut arrestar l’assassin après lo nafrar amb una bala. Èra un estudiant de l’establiment. Ara se tròba en estat grèu.
 
D’ensenhaires e estudiants s’èran embarrats dins divèrsas salas quand an vist l’orror. Quand la polícia a neutralizat lo tiraire, se son desconfinats e a començat una avaloracion dels damatges.
 
Totas las ipotèsis son possiblas dins l’enquista dobèrta per la polícia a prepaus de la natura de l’atac. Sabèm que l’arma l’obtenguèt lo tiraire d’un biais legal.
 
Es la segonda fusilhada d’aquela mena que se viu ongan en Russia. Al mes de mai, un escolan d’un escòla de Kazan, en Tatarstan, fusilhèt sos companhs de classa, ne tuèt 9 e ne nafrèt 23.
 
Tot aquò aguèt luòc diluns passat, a l’endeman de las eleccions parlametàrias ont lo partit de Putin aviá revalidat sa majoritat e mai perdèsse de sostens.

 

#Russia: An armed attack took place in #Perm State University (#PSU) —allegedly carried out by 18-year-old Timur Bekmansurov.

His weapon appears to be a standard 12G shotgun —likely Target X7 or a similar model, which is easily accessible. pic.twitter.com/wqzCNImQhT

— War Noir (@war_noir) September 20, 2021

Очевидцы сообщают о стрельбе в Пермском государственном университете. Студенты покидают здание через окна. pic.twitter.com/TFDpTR0rGV

— РЕН ТВ | Новости (@rentvchannel) September 20, 2021