capçalera campanha

Actualitats

CulturaEconomiaInternacionalSocietat

Una venda a l’enquant d’art precolombian indigna de païses latinoamericans

Dins un ostal de Munic se vend d’òbras ancianas de mai de 2000 ans, originàrias de sèt païses de l’America latina que n’an pas autorizat la venda

Ecran del sit
Ecran del sit | coinhirsch.de

Tèxte legit

La venda a l’enquant a Munic d’aperaquí 320 pèças d’art precolombian a contrariat divèrses govèrns de l’America Latina. De diplomatas d’11 païses declarèron dimars a Berlin qu’aquel fach “greujava grèvament” los dreches fondamentals de lors pòbles, çò rapòrta Tele Sur.
 
De representants de Mexic, Chile, Cuba, Veneçuèla, Panamà, Còsta Rica, Guatemala, Peró, Colómbia, de l’Eqüator e del Salvador anèron fins a l’ostal de vendas a l’enquant Gerhard Hirsch Nachfolger, a Munic, e n’informèron las autoritats alemandas per demandar l’anullacion de l’afar. Puèi n’assabentèron mai d’un mèdia d’Alemanha.
 
A l’ostal Gerhard Hirsch Nachfolger se vend d’òbras ancianas de mai de 2000 ans, originàrias de sèt païses de l’America latina que n’an pas autorizat la venda.
 
Los diplomatas remembran que la convencion de l’UNÈSCO de 1970 establís las  mesuras que las devon prene los estats per enebir e empachar l'importacion, l'exportacion e lo transferiment de proprietat illicits dels bens culturals.
 
 
A París en 2019
 
De remembrar qu’en 2019 Mexic poguèt pas empachar una venda a l’enquant a l’ostal Millon de París. A aquel moment las autoritats francesas autorizèron una operacion contra la volontat de las autoritats mexicanas. Lo president de Mexic diguèt alavetz que la venda a l’enquant de las 120 òbras de la colleccion de Jean e Manichak Aurance encoratjava “las excavacions illegalas, lo pilhatge, lo trafec illegal e las falsificacions”. A mai, critiquèt lo fach de “reduire las pèças istoricas a de simples objèctes de decòr”, çò que “manca a l’integritat de las culturas e per tant de l’umanitat entièra”.

 
 
 
 
 
 

abonar los amics de Jornalet

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Bernatmm Tarba
1.

Adishatz,

Que s'en parlèc en article de Jornalet e tanben en editoriau :
Consumar cultura.
Atau qu'ei era vertadèra cara deth consumerisme de cultura e patrimòni,
Eths objets que ara qu'ei de mòda de diser "artefacts" que son ja panats e despús complètament despolhadis de totis eths contenguts de simbèu, foncion, cresenças e areligiositat...
Que son considerats sonque coma valors de mercat laguens d'un hialat regionau o mondiau , d'oferta-demana d'uas societats de petita o grana borgesia que vòu pareisher culturau, o que comde -en pijor cas- sus era valor de mercat e especula entà hèr un plaçament a terme e sense pagar impòstis ath dessus.

Tot eth contrari de viver era cultura a travers deths gostis deth minjar, de contemplar eths milhers d'òbras d'art immobles o sauvadas en colleccions publicas (musèus d'art e arqueologia), de shiulejar melodias occitanas en tot passejar, de tot simplament viver e praticar eras -vertadèras- tradicions deth país...etc

  • 0
  • 0

Escriu un comentari sus aqueste article