capçalera campanha

Actualitats

InternacionalPoliticaSocietat

Ucraïna: atemptat contra lo principal conselhièr del president

Serhiy Shefir n’es sortit indemne mas lo menaire de la veitura es espitalizat en estat grèu

| Ірина Венедіктова

Tèxte legit

Lo principal conselhièr del president d’Ucraïna, Serhiy Shefir, es estat victima d’un atemptat. An tirat sus sa veitura mentre que circulava per las carrièras de Lisnyky, a 20 km al sud de Kyiiv. Shefir n’es sortit indemne mas lo menaire de la veitura es espitalizat en estat grèu.
 
Lo pòrtavotz del president, Andriy Borisovich, a soslinhat que l’atac es una responsa a las mesuras del govèrn per combatre lo poder a l’ombra dels oligarcas.
 
Shefir es amic e collaborador del president ucraïnés, Volodimir Zelenski, dempuèi longtemps. Totes dos trabalhavan ensems dins l'indústria cinematografica, ont Shefir fasiá lo scenarista e lo productor, mentre que l’actuala president fasiá l’actor.
 
 




abonar los amics de Jornalet

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris


I a pas cap de comentari

Escriu un comentari sus aqueste article