Actualitats
La justícia espanhòla ordena lo barrament d’una publicacion basca
La revista Kalera Info e son sit web d’informacions, que se consagran a informar suls presonièrs bascos, son acusats d’“exaltacion del terrorisme”
Tèxte legit
La revista Kalera Info e son sit web d’informacions se consagran a informar suls presonièrs bascos e lor situacion dins las presons. Fins ara se n’es publicat sètze numèros amb de nòvas, reportatges e analisis sus los presonièrs, las resolucions judiciàrias e las politicas penitenciàrias. Kalera Info e Kalera Kalera son restacats al partit politic Sortu, que sos avocats an anonciat que depausarián un recors contra l’òrdre de barrament.
La persecucion dels mèdias basquistas
La persecucion de mèdias es un dels biaisses de la repression de l’estat espanhòl contra l’independentisme basco. En 1998 se barrèt lo jornal Egin, un afar qu’a tanben tocat lo jornal Gara.
Cinc ans pus tard, barrèron Euskaldunon Egunkaria, un jornal plan reüssit e dels mai objectius de l’epòca. La Gàrdia Civila lo tampèt e ne detenguèt la còla en seguida dels òrdres dels jutges de Madrid. Los jutges se volián assegurar que lo jornal fasiá pas partida de las societats que finançavan ÈTA. Lor calguèt onze ans de fòrça patiment infligit per descobrir que non. Los detenguts denoncièron de torturas.
Onze ans après lo barrament d’Euskaldunon Egunkaria, après una tièra de longs jutjaments e encarceracions, los acusats foguèron relaxats e l’afar foguèt archivat. Mas lo jornal aviá desaparegut. Egin tanpauc tornèt pas pus.
|
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La justícia esopanhòla ereta de la justícia franquista e se permet de jutjar los Basques. Sabètz quant detzenats de milièrs de victimas republicanas an daissat las colomnas franquistas en prenent de fòrça lo poder subre la Republica legitimament elegida ? A costat d'aquelas chifras a pro pena imaginablas, los membres de ETA, e mai sos membres tuadors assumits, son de pichons fifrelins… E los eretièrs del franquisme, los meteisses que jutjan e condemnan l'independentisme catalan, los se permeton de jutjar…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari