La colada de lava del volcan de l’illa de La Palma (Canàrias) avança tot doçament mas en engolissent de centenats d’ostals e de culturas. Segon de donadas de l’Institut Vulcanologic de las Canàrias (INVOLCAN), l’erupcion emet cada jorn entre 7997 e 10 665 tonas de dioxid de sofre (SO₂) dins l’atmosfèra. La nívol a atench Occitània.
 
Segon Midi Libre, la concentracion de SO₂, qu’a ja tocat Catalonha, Aragon e lo Bascoat, èra febla dins lo sud del país dijòus passat. Segon las donadas de l’institut europèu Copernicus, la nívol cobrissiá ièr Gasconha e Lengadòc e uèi es tanben sus Guiana, Lemosin, Auvèrnhe, lo Daufinat e Provença.
 
 
Pas cap de risc en Occitània
 
Lo dioxid de sofre (SO₂) es un dels gases mai abituals de las erupcions volcanicas. Es incolor e son odor es aspra. Causa d’irritacions sus la pèl e los teissuts, mai que mai al nas e als uèlhs, çò precisa Vilaweb. Totun, segon los expèrts, la nívol que subrevòla Occitània implica pas cap de risc per la populacion.
 
 
De gases fòrça nocius dins las Canàrias
 
Per contra, los abitants de las illas Canàrias lo pòdon ben patir. A mai, lo plan especial d’emergéncia entamenat per aquela erupcion a intensificat son dispositiu per l’arribada de la colada de la lava dins la mar a causa de las importantas explosions e emissions de gases fòrça nocius.

 

CAMS forecasts of SO₂ dispersion can help evaluating the possible impacts of a volcanic eruption like in #LaPalma. The impacts of SO₂ released by #CumbreVieja on weather & air quality at the surface are most likely very small. More on CAMS' monitoring https://t.co/Q4OKXLEc03pic.twitter.com/b4uvidKwj1 — Copernicus ECMWF (@CopernicusECMWF) September 22, 2021

Predicted transport of sulphur dioxide from eruption of #CumbreVieja#LaPalma volcano over the next few days in the @CopernicusECMWF Atmosphere Monitoring Service @ECMWF forecast initialized 20 Sept 12 UTC visualized by @Windycomhttps://t.co/YodDe37PUy#Lapalmaerupcionpic.twitter.com/JX00t1IVx6 — Mark Parrington (@m_parrington) September 21, 2021