“Son a mudar, e en descargant lo camion, quí que te tròban un carton de mai”... Escrivètz la seguida!

“Son a mudar, e en descargant lo camion, quí que te tròban un carton de mai”... Escrivètz la seguida. Los bibliotecaris del Lector de la Val (associacion de bibliotècas de Lauragués) organizan la 24a edicion del concors de novèlas, dobèrt a totes e a gratis, fins al 17 de febrièr de 2022.
 
Lo concors compren las categorias “joves” e “adultes”. Lo tèxt deu necessariament començar amb la frasa çai sus. Lo genre demòra liure: fantastic, policièr, sciéncia-ficcion, istoric, romanesc, aventura, etc., o pas brica de genre que siá. Totas las variantas de la lenga d’òc son benvengudas, a carga pel participant de passar l’incipit dins sa varianta pròpia. Felip Carbona es lo president de la jurada occitanofòna.
 
La remesa dels prèmis se tendrà l’11 de junh de 2022, e las rejonchas de novèlas se deurián remetre als autors en octòbre de 2022.
 
Lo concors aculhís los escriches en lenga occitana gràcias a la collaboracion de la calandreta de Castanet Tolosan, de l’associacion e de La Veu dels Països Catalans. Se pòt tanben participar en francés, a partir de la frasa: “Ça alors ! En déchargeant le camion de déménagement, ils découvrent un carton supplémentaire”.
 
Un CD àudio dels melhors tèxtes occitans serà fargat en mai de l’edicion del libre.
 
Òm se pòt inscriure en linha sus aqueste ligam.
 
Trobatz lo reglament dins lo document çai jonch. Lo reglament complet es disponible dins las 25 bibliotècas de l'associacion e se pòt demandar per e-mail a info@lecteurduval....