Actualitats
Lituània demanda als ciutadans d’escampar los telefòns chineses
Lo Ministèri de la Defensa recomanda d’evitar la crompa de telefòns mobils chineses e se desbarrassar dels que son ja aquerits
Tèxte legit
Lo Ministèri de la Defensa de Lituània a recomandat als ciutadans qu’escampen los telefòns mobils chineses e eviten de ne crompar de nòus. “Nòstra recomandacion es d’evitar de crompar de telefòns mobils nòus chineses e se desbarrassar dels que son ja crompats, tanlèu que serà rasonablament possible”, çò a declarat Margiris Abukevičius, numèro dos del Ministèri de la Defensa. La recomandacion arriba en seguida d’un rapòrt del Centre de Ciberseguretat lituan qu’a fach d’ensages amb divèrses espleches 5G de productors chineses, çò assegura la BBC.
Segon aquel rapòrt, un dels aparelhs de Xiaomi, precisament lo Mi 10T 5G, a integrat un logicial de censura, de sòrta que limita o restrenh las recèrcas de gaireben 450 questions coma “Tibet liure” o “movement democratic”. Xiaomi a dich qu’aquel logicial fonciona pas dins los modèls meses en venda en Euròpa, mas lo Ministèri de la Defensa lituan considèra que se pòt activar a distància. D’autre caire, lo rapòrt tanben ditz que l’aparelh de Xiaomi manda d’informacion criptada sus l’usatge del telefòn mobil a un serveire a Singapor.
Un autre esplech soslinhat es lo P40 5G d’Huawei. Segon lo Centre de Ciberseguretat lituan, expausa a de risques los usatgièrs perque a de problèmas de seguretat: “L’aplicacion oficiala d’Huawei AppGallery —similara a Google Play o l’App Store d’Apple— mena los usatgièrs devèrs de botigas en linha ont i a d’aplicacions consideradas malvolentas o infectadas per de logicials antivirus.”
Interrogat per la BBC, Huawei a dich que complissiá totas las leis e las regulacions dels estats ont vendiá de produches, amb la confidencialitat e la ciberseguretat coma prioritats. “L’informacion es pas jamai tractada fòra de l’aparelh d’Huawei”, çò a assegurat un pòrtavotz de la societat, qu’a soslinhat que totas las aplicacions son analisadas e avaloradas per ne garentir la seguretat.
Tensions entre Lituània e China
Las relacions entre Vilnius e Pequin son pas a lor melhor moment. En agost, lo govèrn chinés exigiguèt lo retirament de l’ambaissador lituan e menacèt tanben de retirar son ambaissador en Lituània. La rason de las tensions es l’illa de Taiwan, que China revendica coma territòri pròpri.
Concretament, al govèrn chinés li agradèt pas lo cambiament de nom de l’ambaissada taiwanesa a Vilnius, qu’ara se nomena Ofici de Representacion de Taiwan. Per evitar de problèmas diplomatics, la majoritat de las missions taiwanesas en Euròpa, e tanben als Estats Units, evitan de far servir lo nom del país e emplegan lo de la capitala, Taibei.
Segon aquel rapòrt, un dels aparelhs de Xiaomi, precisament lo Mi 10T 5G, a integrat un logicial de censura, de sòrta que limita o restrenh las recèrcas de gaireben 450 questions coma “Tibet liure” o “movement democratic”. Xiaomi a dich qu’aquel logicial fonciona pas dins los modèls meses en venda en Euròpa, mas lo Ministèri de la Defensa lituan considèra que se pòt activar a distància. D’autre caire, lo rapòrt tanben ditz que l’aparelh de Xiaomi manda d’informacion criptada sus l’usatge del telefòn mobil a un serveire a Singapor.
Un autre esplech soslinhat es lo P40 5G d’Huawei. Segon lo Centre de Ciberseguretat lituan, expausa a de risques los usatgièrs perque a de problèmas de seguretat: “L’aplicacion oficiala d’Huawei AppGallery —similara a Google Play o l’App Store d’Apple— mena los usatgièrs devèrs de botigas en linha ont i a d’aplicacions consideradas malvolentas o infectadas per de logicials antivirus.”
Interrogat per la BBC, Huawei a dich que complissiá totas las leis e las regulacions dels estats ont vendiá de produches, amb la confidencialitat e la ciberseguretat coma prioritats. “L’informacion es pas jamai tractada fòra de l’aparelh d’Huawei”, çò a assegurat un pòrtavotz de la societat, qu’a soslinhat que totas las aplicacions son analisadas e avaloradas per ne garentir la seguretat.
Tensions entre Lituània e China
Las relacions entre Vilnius e Pequin son pas a lor melhor moment. En agost, lo govèrn chinés exigiguèt lo retirament de l’ambaissador lituan e menacèt tanben de retirar son ambaissador en Lituània. La rason de las tensions es l’illa de Taiwan, que China revendica coma territòri pròpri.
Concretament, al govèrn chinés li agradèt pas lo cambiament de nom de l’ambaissada taiwanesa a Vilnius, qu’ara se nomena Ofici de Representacion de Taiwan. Per evitar de problèmas diplomatics, la majoritat de las missions taiwanesas en Euròpa, e tanben als Estats Units, evitan de far servir lo nom del país e emplegan lo de la capitala, Taibei.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#6 Ara soi acostumat a çò qu'es mauaisit d'analizar pr'amor se caleré milhor posicionar "per" o "contra".
Soi pas brica un sosteng deu regime chinés, mes es pas ausit de comprénguer d'un punt de vista manichean majoritari.
Çò que disi, es qu'es possible de criticar China sus sa politica, mes es risolièr de véser una campanha deus mèdias suus punts justament suus quaus los Occidentaus an pas ren d'enviar.
Quan escrivètz : Non, los autres fan pas "parièr"..., vòli pas comparar la repression a Hong-Kong, Tibet e Xinjiang dambe los dètz milions de mòrts de la guèrra en Iraq o lo nombre de Néguers tuats per la polícia, mes justament las accions que totis hèn deu medish biaish : emplec de personau per influir suus hialats sociaus e espionatge per telefonet. Me semblava clar a la debuta, mes vesi que coma sovent cau estar a 100% contra se que non passa pas.
#5 Fa plaser de veire que qualques informacions sul regim despotic de la China arriban... Lo problèma màger d'aquesta mena de discors es aquesta tendéncia a la dilucion permanenta o a la minimizacion dels faches (ja vista anteriorament cap a l'Euròpa de l'Èst): "los autres fan parièr", "los occidentals son marrits tanben...). Non, los autres fan pas "parièr"...
Es pas comparable que pòscan saber (los americans, los britanics o mai Macron) se vau crompar de patanas per me far passar de publicitats, que de viure jos un regim dictatorial que t'a una censura e una repression (que son a créisser cada jorn mai a mai) coma jamai n'avèm pas coneguda dins l'istòria recenta d'Euròpa nimai durant lo Franquisme pensi, amplificada per la tecnologia modèrna. Puèi, parlarai pas de la paur creada suls vesins dirèctament (Taiwan, mar de China) o indirèctament amb la Corèa del Nòrd o nòstra dependéncia economica e materiala qu'es mai que preocupanta...
En general vau pas defendre lo colonialisme o lo neocolonialisme europèu o american tanpauc; pr'aquò me fa patir que los americans aguèssen laissat Afganistan als talibans (parlarai pas del passat sonque del present... que sabi las culpabilitats dels uns e dels autres de la situacion anteriora...), que precisament lo govèrn chinés es ja a amanhagar...
Fin finala, pòdi sonque condemnar e me mesfisar prigondament de païses antidemocratics (nòstras democracias son flacas e imperfièchas mas francament se pòt pas comparar...) coma China o Russia que son a crear de problèmas dins lo mond entièr.
Bona setmana
#3 Sabi hèr la diferéncia entre informacions sus Hong-Kong (los imatges de las manifestacions erròtjament reprimidas son de bon espiar sus la telaranha), la chinizacion deu Tibet (que sembla la francizacion d'Occitània) e sus la repression contra los Oïgors, quitament s'uns mèdias desbemban l'aspècte terrorisme, e critica drin risolièras vista la situacion internacionala.
Una campanha "anti-", dens aqueste cas, es de "denonciar" hèitas de la China que las poténcias occidentalas hèn tamben. Los mèdias an cobèrt i a pas guaire la sortida d'un rapòrt de 600 paginas sus las activitats de tròls que trabalhan peu govèrn chinés (Los Estats-Units an creat aquò en 1916 dambe la comission Creel e los que prenguèvan la paraula en public per persuadir lo monde de participar a la guèrra). I auré pas d'emplegats de govèrns que tribalaharén sus la telaranha per influençar los internautas ? Aquò existisseré pas qu'en China ?
Ara suus telefonets qu'espionan, es evident qu'es pas una especialitat chinesa, lo darrèr còp qu'èi mandat a ma vesina la fòto deus gats que neurissèvi mentre qu'èra en vacanças, èi recebut de tira una publicitat de mangiscla peus gats, jo que n'èi pas. N'i a que cresen qu'aqueste espionatge basat sus algoritmes son pas hèits que dambe una mira comerciala e pas politica. I cresi pas brica, jo.
#3 Sabi hèr la diferéncia entre informacions sus Hong-Kong (los imatges de las manifestacions erròtjament reprimidas son de bon espiar sus la telaranha), la chinizacion deu Tibet (que sembla la francizacion d'Occitània) e sus la repression contra los Oïgors, quitament s'uns mèdias desbemban l'aspècte terrorisme, e critica drin risolièras vista la situacion internacionala.
Una campanha "anti-", dens aqueste cas, es de "denonciar" hèitas de la China que las poténcias occidentalas hèn tamben. Los mèdias an cobèrt i a pas guaire la sortida d'un rapòrt de 600 paginas sus las activitats de tròls que trabalhan peu govèrn chinés (Los Estats-Units an creat aquò en 1916 dambe la comission Creel e los que prenguèvan la paraula en public per persuadir lo monde de participar a la guèrra). I auré pas d'emplegats de govèrns que tribalaharén sus la telaranha per influençar los internautas ? Aquò existisseré pas qu'en China ?
Ara suus telefonets qu'espionan, es evident qu'es pas una especialitat chinesa, lo darrèr còp qu'èi mandat a ma vesina la fòto deus gats que neurissèvi mentre qu'èra en vacanças, èi recebut de tira una publicitat de mangiscla peus gats, jo que n'èi pas. N'i a que cresen qu'aqueste espionatge basat sus algoritmes son pas hèits que dambe una mira comerciala e pas politica. I cresi pas brica, jo.
#2 Efectivament, pensi que la campanha antichinesa es orquestrada per mantes tibetans, un tropèl d'estudiants d'Hong Kong e mai qualques oigors que lor agrada pas las fotografias e las fòtos que lor fan o mai los camps de vacanças chineses.
Bona setmana...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari