Almens 21 emplegats de l’Organizacion Mondiala de la Santat aurián secutat sexualament de femnas e de joventas de la Republica Democratica de Còngo entre 2018 e 2020. Los assalhidors èran embauchats per l’OMS per combatre sus plaça la flambada d’Ebòla.
 
Un rapòrt presentat dimars per l’OMS precisa qu’almens 63 femnas e gojatas serián estadas victimas d’extorsions e d’abuses sexuals, e i auriá agut 9 viòls. Delà los 21 suspèctes, lo rapòrt mençona 62 autres agressors de divèrsas nacionalitats que lor identitat es pas desvelada. Dins fòrça cases las victimas “obtenguèron pas los emplecs promeses en escambi de las relacions sexualas”, del temps que d’autras denoncièron d’èsser estadas mai d’un còp secutadas per tal de manténer lors emplecs, e mai d’èsser estadas licenciadas per o aver refusat. Lo document rapòrta tanplan d’emprenhaments, de naissenças prematuras e d’avortaments.
 
Lo director general de l’OMS, Tedros Adhanom Ghebreyesus, a demandat perdon a las victimas en se declarant “responsable” dels “defauts dins lo sistèma”, e a promés de reformas dins l’organizacion per evitar que se torne passar aquela situacion.
 
 

Media briefing on Independent Commission's review of the allegations of sexual abuse & exploitation during the #Ebola 2018-2020 outbreak in #DRChttps://t.co/1vce2FZcGQ

— World Health Organization (WHO) (@WHO) September 28, 2021

 

"Today, the commission publishes its report. It makes for harrowing reading. I will make my comments shortly, but first I would like to welcome the two co-chairs to present their findings"-@DrTedroshttps://t.co/iZ0ppuzwGZ

— World Health Organization (WHO) (@WHO) September 28, 2021