Lo principal partit de l’oposicion, Orizont Mónegue, a ganhat las eleccions al Principat de Mónegue amb 20 sètis sus 24.
La lista portada per l’actual president del Conselh Nacional, Jean-François Robillon, de l’Union Monegasca, a obtengut solament tres sètis.
Per quant a Renaissença, la lista formada per de trabalhadors de l’entrepresa monopolistica publica de la Societat dels Banhs de Mar (SBM) e engatjats sustot dins los restaurants e casinòs del Principat, a atench son primièr sèti dins lo parlament del Principat. Aquela lista dels salariats del jòc esperava d’aténher aquel sèti per poder exigir lo mantenement de lors remuneracions.
La lista ganhanta, Orizont Mónegue, es dirigida per Laurent Nouvion, un administrador de societats de 44 ans que presica lo cambiament e que se ditz inquiet per las eventualas velleïtats del Conselh d’Euròpa per modificar lo regim politic monegasc.
Per l’anciana majoritat, la desaprobacion es de las fòrtas, e mai se la lista foguèt largament reelegida en febrièr de 2008 en capitant 21 dels 24 sètis de la cambra monegasca.
Dimenge passat, votèron 5088 monegasques sus 6825 inscriches, çò que fa un taus de participacion de 74,55%.
Sonque los ciutadans monegasques an drech de votar per elegir lors representants al Conselh Nacional, lo sol organ elegit d’aquela monarquia ereditària. Son aital excluses de l’escrutini los estrangièrs de 120 ciutadaniás que compausan majoritàriament la populacion de 35 000 abitants.
Segon la lei electorala monegasca, la lista ganhanta atenh automaticament 16 sètis, los uèch que rèstan son atribuits proporcionalament.
Lo president del Conselh Nacional deu èsser elegit lo 21 de febrièr, quand se debanarà la primièra reünion de l’assemblada nòva.
La campanha electorala, jos l’ombra de la crisi economica, es estada marcada per una violéncia verbala inedita.
Cal dire que lo sistèma politic monegasc fa que lo ròtle del Conselh Nacional siá mendre. Dins aquel sens, lo prince sobeiran a l’iniciativa legislativa e nomena lo primièr ministre absoludament al marge del resultat electoral. Lo govèrn respond solament davant lo primièr ministre e lo prince sobeiran. Lo Conselh Nacional, de son costat, pòt prepausar de leis al govèrn, que deu respondre dins un temps estipulat. Malgrat aquela fòrta limitacion de las atribucions, la vida intèrna dels partits monegasques es intensa e turbulenta, e es pas brica estranh d’assistir a l’espelida de partits nòus e a la dissolucion de formacions politicas.
La lista portada per l’actual president del Conselh Nacional, Jean-François Robillon, de l’Union Monegasca, a obtengut solament tres sètis.
Per quant a Renaissença, la lista formada per de trabalhadors de l’entrepresa monopolistica publica de la Societat dels Banhs de Mar (SBM) e engatjats sustot dins los restaurants e casinòs del Principat, a atench son primièr sèti dins lo parlament del Principat. Aquela lista dels salariats del jòc esperava d’aténher aquel sèti per poder exigir lo mantenement de lors remuneracions.
La lista ganhanta, Orizont Mónegue, es dirigida per Laurent Nouvion, un administrador de societats de 44 ans que presica lo cambiament e que se ditz inquiet per las eventualas velleïtats del Conselh d’Euròpa per modificar lo regim politic monegasc.
Per l’anciana majoritat, la desaprobacion es de las fòrtas, e mai se la lista foguèt largament reelegida en febrièr de 2008 en capitant 21 dels 24 sètis de la cambra monegasca.
Dimenge passat, votèron 5088 monegasques sus 6825 inscriches, çò que fa un taus de participacion de 74,55%.
Sonque los ciutadans monegasques an drech de votar per elegir lors representants al Conselh Nacional, lo sol organ elegit d’aquela monarquia ereditària. Son aital excluses de l’escrutini los estrangièrs de 120 ciutadaniás que compausan majoritàriament la populacion de 35 000 abitants.
Segon la lei electorala monegasca, la lista ganhanta atenh automaticament 16 sètis, los uèch que rèstan son atribuits proporcionalament.
Lo president del Conselh Nacional deu èsser elegit lo 21 de febrièr, quand se debanarà la primièra reünion de l’assemblada nòva.
La campanha electorala, jos l’ombra de la crisi economica, es estada marcada per una violéncia verbala inedita.
Cal dire que lo sistèma politic monegasc fa que lo ròtle del Conselh Nacional siá mendre. Dins aquel sens, lo prince sobeiran a l’iniciativa legislativa e nomena lo primièr ministre absoludament al marge del resultat electoral. Lo govèrn respond solament davant lo primièr ministre e lo prince sobeiran. Lo Conselh Nacional, de son costat, pòt prepausar de leis al govèrn, que deu respondre dins un temps estipulat. Malgrat aquela fòrta limitacion de las atribucions, la vida intèrna dels partits monegasques es intensa e turbulenta, e es pas brica estranh d’assistir a l’espelida de partits nòus e a la dissolucion de formacions politicas.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 Tà jo qu'èi formidable d'ac saber. Eth cas de Mónego qu'èi ben interessant.
Eths son independents au mensh ;-)
#1 Qu'èi avut exactament la medisha impression.
Es ver que fa un pauc repeticion.
#1 Autrament, sus l'interés de parlar d'aquelas eleccions, me parèisse qu'es de bòn informar.
Ce que se passa en Principat de Mónego es sovent una amplificacion de lai questions pauvaas dins la region Provença Alps Còsta d'Azur (PACA).
D'efiech, en delai de lai questions de l'IVG, qu'es per exemple una question pròpria a aquel estat concordatari (coma Portugal ò l'Alsàcia-Mosèla en França per exemple), i son de problèmas comuns dals dos costats de la frontiera politica (Mentan, Niça, Cana, Sant Tropès).
En region PACA coma a Mónego, se pauva lo problèma dal lotjament de lai personas dal país : de joves de vilatges de la "Côte d'Azur" an plus l'argent per pagar li dreches de succession de las maisons familialas. Dèvon tot vendre e èsser locataris enluèc.
La question de la plaça es ligaa a una region saturaa e a un esquèma de circulacion problematic.
De mai i es una pèrdia de l'identitat, lo monde es negat per una world culture a la francesa que se mete en plaça, en escafant la cultura dal país. Lo monde novelament arribat, a degunament la possibilitat de s'interessar a la cultura occitana. La cultura es pròpi sovent una còpia de ce que se passa a París.
Mónego es un condensat de tot aquò.
"la vida intèrna dels partits monegasques es intensa e turbulenta, e es pas brica estranh d’assistir a l’espelida de partits nòus e a la dissolucion de formacions politicas."... ai ges vist aquò endacom, es pas un copiat-pegat ?
La "politica" monegasca (mi fa pensar a aquestei biologistes que parlan de "politica" deis moninas) es ja pas fòrça interessanta d'esper-ela, alora se tot es repetat...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari