capçalera campanha

Actualitats

EnvironamentInternacionalSocietat

Canàrias: la colada de lava del volcan de La Palma es arribada dins la mar

S’es començat de formar un dèlta volcanic qu’agrandís la superfícia de l’illa que ganha de mètres a l’ocean

| EFE

Tèxte legit

La lava del volcan Cumbre Vieja, dins l’illa canària de La Palma, arribèt dijòus dins la mar, dètz jorns après l’intrada en erupcion. La colada atenh l’aiga a 1000oC del temps que l’aiga es a 20oC, çò que forma de nívols de fum negre e blanc plenas d’acid cloridric. Per evitar d’intoxicacions las autoritats an establit un perimètre de seguretat. Pasmens, cap de persona es pas estada damatjada pels gases.
 
A mesura que se refregís, la lava se solidifica e s’amolona dins la mar. Aquò a entraïnat la formacion en qualques oras d’un delta volcanic qu’espandís la superfícia de l’illa sus l’ocean. Ara per ara, aquel dèlta mesura 17,3 ectaras. Mas l’erupcion es totjorn viva e la colada contunha d’aténher l’aiga.
 
L’Institut de Volcanologia de las Canàrias a publicat sus Internet los images enregistrats que s’i vei coma la colada se precipita dins las aigas de l’Atlantic. Darrièr la cortina de fum e vapor se pòt devinar coma se forma e creis lo dèlta volcanic.
 
 
700 abitatges destruches, 6200 evacuats
 
Per ara la lava a destruch mai de 700 lotjaments, mai que mai de residéncias abitualas de las 6200 personas evacuadas, que son aculhits en çò de lors familhas, de lors amics , o dins d’establiments de la santat publica e d’ostalariás.
 
Lo govèrn espanhòl a declarat coma zòna catastròfica tota l’illa e a aprovat d’ajudas als damatjats per aquerir d’abitatges, de mòbles e d’aparelhs electrodomestics. Son d’ajudas d’urgéncia prèvias a la fasa de reconstruccion. Lo primièr centenat de lotjaments serà disponible aqueste mes d’octòbre e se prevei qu’en fin d’annada n’i aurà environ 300.
 
Agachatz l’erupcion del volcan en dirècte retransmesa per la Television de las Canàrias:
 

 
 
D’autres imatges sus Twitter:
 
 
 


abonar los amics de Jornalet

 

Etiquetas

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris


I a pas cap de comentari

Escriu un comentari sus aqueste article