Actualitats
Escambis Occitans de la Davalada: quand ensenhament e cultura partejan
Del 2 al 4 de novembre, Colonha aculhirà un estagi en immersion en occitan per mutualizar las coneissenças e lo saber-far
Tèxte legit
L’Escòla Occitana d’Estiu, los Talhièrs de l’Energia e del Temps e l’associacion Ox’Ivent organizan los Escambis Occitans de la Davalada (EOD) en Armanhac. L’eveniment se tendrà los 2, 3 e 4 de novembre a Colonha (Verdunés) e s’agís de 3 jornadas d’escambis, de partatge, d’escambis e de cooperacions divèrsas en occitan. “Sus la basa de la creativitat, los EOD seràn l’escasença de desvolopar de cooperacions divèrsas entre totes los participants”, çò asseguran los organizaires qu’en mai d’aquò especifican:
Los actors qu’òbran pel desvolopament de l’ensenhament o de la cultura occitana son nombroses mas pòdon rencontrar de dificultats ligadas al temps o a la geografia per se conéisser entre eles. Per tant, los EOD prepausan de prene lo temps d’escambiar entre los diferents partenaris e d’enriquir las practicas de cadun a partir de las volontats o possibilitats de totes. Es previst que d’aquel eveniment naisseràn d’aisinas e de projèctes que valorizaràn e facilitaràn las practicas de totes.
Per mai d’informacion e las inscripcions descargatz lo formulari o ben vesitatz lo sit eoe-oc.org.
“Sèm estudiants, professors, artistas, membres d'associacions, dins de collectivitats publicas o d'actors del privat. Sèm totes ligats per la nòstra passion a la lenga e cultura d'òc mas sèm totes escampilhats deçà delà. Alavetz, l'idèa nos es venguda de prene lo temps per aprigondir las nòstras cooperacions, e d'afortir los ligams entre nosautres mercés a d'Escambis Occitans!”
Los actors qu’òbran pel desvolopament de l’ensenhament o de la cultura occitana son nombroses mas pòdon rencontrar de dificultats ligadas al temps o a la geografia per se conéisser entre eles. Per tant, los EOD prepausan de prene lo temps d’escambiar entre los diferents partenaris e d’enriquir las practicas de cadun a partir de las volontats o possibilitats de totes. Es previst que d’aquel eveniment naisseràn d’aisinas e de projèctes que valorizaràn e facilitaràn las practicas de totes.
Per mai d’informacion e las inscripcions descargatz lo formulari o ben vesitatz lo sit eoe-oc.org.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Discutirem dels contenguts d'ensenhament e de cultura, del temps que de mai en mai, los caps d'establiments de collgis e licèus venon — per çò de las ditas opcions facultativas — solets mèstres a bòrd per decidir de lor existéncia o de lor inexisténcia, sense cap carsèrn de las cargas politicas decididas per cap d'elegit democratic, sense sempre cap de lei definicionala… Parlatz d'una politica lingüistica !
Se posquèssen faire de maridatges entre se, poiriam aver tornarmai de familhas que visquèssen la lenga...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari