Actualitats
Cap a l’eleccion d’un nòu papa
Beneset XVI, coma papa emerit, participarà pas al conclau per elegir lo sieu successor
Amb l’anonci del papa Beneset XVI de quitar la carga lo 28 de febrièr que ven, a uèch oras del ser, la Glèisa Catolica intrarà dins lo periòde nomenat de sèti vacant fins a l’eleccion del successor, que se pòt alongar fins a un vintenat de jorns. I a solament doas circonstàncias per arribar a la situacion de sèti vacant dins lo Vatican: la mòrt del papa o l’abdicacion. Aquela segonda opcion es pas estada brica frequenta dins l’istòria e, de fach, lo precedent mai immediat de Beneset XVI es lo de Gregòri XII, en 1415.
Malgrat los pauques precedents, a partir del 28 de febrièr, se dobrirà lo procès cap a la convocacion del conclau dels cardinals de mens d’ochanta ans (conclau ven del latin medieval conclave “luòc barrat amb una clau”, per la reclusion e per l’isolament maximal exigit als participants). Aqueles cardinals devon elegir lo nòu evesque de Roma, carga que compòrta la de papa e la de cap de l’Estat del Vatican.
Los conclaus, en vigor almens dempuèi lo sègle XIII, se debanan dins la Capèla Sixtina. Lo 22 de febrièr de 1996, amb la Constitucion Apostolica Universi Dominici Gregis sus la vacança apostolica e l’eleccion del nòu papa, Joan Pau II flexibilizèt un pauc las condicions de reclusion e permetèt que los cardinals electors poguèsson residir, mentre que se debanava la reünion, dins l’Ostal de Santa Marta, una residéncia dins lo complèxe del Vatican, mas en mantenent la rigorosa enebicion d’aver pas cap de contacte amb lo mond exterior.
L’abdicacion d’un papa es plan pauc frequenta, mas es plan prevista dins lo drech eclesiastic. Se requerís que siá una decision liura e que se manifèste de manièra formala, e mai s’es lo quite papa que determina de quina manièra o fa. Se demanda pas a degun d’acceptar la demission. Al delà de Beneset XVI, los pauques cases que se’n tròba son de l’Edat Mejana: Beneset IX (1045), Gregòri VI (1046), Celestin V (1294) e Gregòri XII (1415).
Que farà Beneset XVI?
La question que se prepausa es, ara: quin ròtle aurà Beneset XVI quand vendrà papa emerit, una figura desconeguda pendent los darrièrs sègles de papats? S’especula qualques ipotèsis, coma que pòsca venir tornarmai cardinal, evesque o quitament prèire en un monastèri de monjas de clausura, coma sembla qu’a manifestat que li agradariá.
Beneset XVI participarà pas al conclau qu’elegirà lo sieu successor, probable abans un mes a Roma, pr’amor que despassa l’edat dels cardinals qu’an drech d’i participar.
Malgrat los pauques precedents, a partir del 28 de febrièr, se dobrirà lo procès cap a la convocacion del conclau dels cardinals de mens d’ochanta ans (conclau ven del latin medieval conclave “luòc barrat amb una clau”, per la reclusion e per l’isolament maximal exigit als participants). Aqueles cardinals devon elegir lo nòu evesque de Roma, carga que compòrta la de papa e la de cap de l’Estat del Vatican.
Los conclaus, en vigor almens dempuèi lo sègle XIII, se debanan dins la Capèla Sixtina. Lo 22 de febrièr de 1996, amb la Constitucion Apostolica Universi Dominici Gregis sus la vacança apostolica e l’eleccion del nòu papa, Joan Pau II flexibilizèt un pauc las condicions de reclusion e permetèt que los cardinals electors poguèsson residir, mentre que se debanava la reünion, dins l’Ostal de Santa Marta, una residéncia dins lo complèxe del Vatican, mas en mantenent la rigorosa enebicion d’aver pas cap de contacte amb lo mond exterior.
L’abdicacion d’un papa es plan pauc frequenta, mas es plan prevista dins lo drech eclesiastic. Se requerís que siá una decision liura e que se manifèste de manièra formala, e mai s’es lo quite papa que determina de quina manièra o fa. Se demanda pas a degun d’acceptar la demission. Al delà de Beneset XVI, los pauques cases que se’n tròba son de l’Edat Mejana: Beneset IX (1045), Gregòri VI (1046), Celestin V (1294) e Gregòri XII (1415).
Que farà Beneset XVI?
La question que se prepausa es, ara: quin ròtle aurà Beneset XVI quand vendrà papa emerit, una figura desconeguda pendent los darrièrs sègles de papats? S’especula qualques ipotèsis, coma que pòsca venir tornarmai cardinal, evesque o quitament prèire en un monastèri de monjas de clausura, coma sembla qu’a manifestat que li agradariá.
Beneset XVI participarà pas al conclau qu’elegirà lo sieu successor, probable abans un mes a Roma, pr’amor que despassa l’edat dels cardinals qu’an drech d’i participar.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Que farà Beneset XVI? O vos vau contar : vendrà totes los bens de la gelisa per o distribuïr totes als acatats de la carèstia. Puèi anarà far un pelegrinatge a las arenas de Veròna qu'i foguèron martirizats mai de 200 bons crestians. Puèi se'n anarà trica-triqueta lo long del camin dels martiris valdeses, fins a Montsegur, non sens s'arrestar en camin per las Cevènas, per se reculhir sul lòc martirizat de la Gleisa del Desèrt. Quand arribarà a Montsegur, se farà donar lo consolament al morrent e vendrà atal lo primièr papa vertadièrament crestian dempuèi Sant Pèire. E òc, o avètz totes comprés : Beneset XVI es vengut crestian. Pòt pas contunhar de portar la carga de cap de la gleisa del princi d'aquel mond… Son doás menas de gleisas :la que perdona, ama e fugís, e la que possedís, liura en presa a l'isteria collectiva, tortura e condamna al brutlador. SNon se pòt pas servir dos mèstres.
http://www.youtube.com/watch?v=zcRk8UMQV6k
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari