La manca de carburants e de produches alimentaris que perdura al Reialme Unit dempuèi qualques setmanas a menat lo taus d’inflacion a mai del 4% e a provocat de coas e batèstas dins las estacions de servici. La crisi, entraïnada per la pandemia per d’unes, e pel Brexit per d’autres, a fach davalar la popularitat de primièr ministre Boris Johnson al 35%, e segon los darrièrs sondatges gaireben lo 60% dels britanics apròvan pas sa gestion.
 
Johnson parla d’una fasa de transicion devèrs un projècte que provarà la valor del Brexit. Atal, lo premièr ministre a exclús de revenir al modèl economic d’abans de quitar l’Union Europèa.