Actualitats
De virus vièlhs de 15 000 ans
An sobreviscut sonque pr’amor del glaç e encara devon èsser classificats, car lor existéncia nos èra desconeguda
Una còla de cercaires chineses a trobat sul replanat de Tibet de glaç ont cabián de virus qu’avián aperaquí 15 000 ans d’edat. Los virus an sobreviscut sonque pr’amor del glaç e encara devon èsser classificats, car lor existéncia nos èra desconeguda.
La tròba es considerada fantastica per la comunautat scientifica car pòt fòrça ajudar a comprene cossí an evolucionat los virus long de milièrs d’annadas. L’estudi d’aqueles virus e de lor descobèrta es estat publicat dins lo numeric Microbiome. Per los estudiar, los scientifics an creat un nòu sistèma per analisar los virus e empachar que contaminen.
"Son de virus trobats dins de glacièrs encara desconeguts, çò diguèt Zhi-Ping Zhong, de l’Universitat d’Ohio, que dirigiguèt l’estudi. Son de glacièrs que se formèron d’un biais lent. Pasmens, cal estudiar mai encara los glacièrs de l’oèst chinés, car son plan desconeguts, encara uèi”. Lo glaç proven d’un airal situat a mai de 6500 mètres d’altitud e la descobèrta pòt permetre de melhorar la coneissença del clima, dels micròbis, dels virus e de l’atmosfèra d’aquela epòca.
Mai d'un virus trapats
D’autre caire, los cercaires an trobats 33 virus diferents. Quatre d’aquestes ja èran estats identificats per la comunautat scientifica. Pasmens, los autres 28 èran de tot en tot desconeguts. “Son de virus qu’an subreviscut en d’environaments extrèms, çò apondèt Matthew Sullivan, tanben autor de l’estudi. Lor signatura genetica es plan desparièra de l’actuala e doncas es necite de los plan estudiar e de susvelhar cossí foncionan sens que pòscan contaminar. Son de virus que tanben aurián una sequéncia genetica coma las dels virus que se poirián trobar sus Mart”.(Legissètz la seguida).
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
La tròba es considerada fantastica per la comunautat scientifica car pòt fòrça ajudar a comprene cossí an evolucionat los virus long de milièrs d’annadas. L’estudi d’aqueles virus e de lor descobèrta es estat publicat dins lo numeric Microbiome. Per los estudiar, los scientifics an creat un nòu sistèma per analisar los virus e empachar que contaminen.
"Son de virus trobats dins de glacièrs encara desconeguts, çò diguèt Zhi-Ping Zhong, de l’Universitat d’Ohio, que dirigiguèt l’estudi. Son de glacièrs que se formèron d’un biais lent. Pasmens, cal estudiar mai encara los glacièrs de l’oèst chinés, car son plan desconeguts, encara uèi”. Lo glaç proven d’un airal situat a mai de 6500 mètres d’altitud e la descobèrta pòt permetre de melhorar la coneissença del clima, dels micròbis, dels virus e de l’atmosfèra d’aquela epòca.
Mai d'un virus trapats
D’autre caire, los cercaires an trobats 33 virus diferents. Quatre d’aquestes ja èran estats identificats per la comunautat scientifica. Pasmens, los autres 28 èran de tot en tot desconeguts. “Son de virus qu’an subreviscut en d’environaments extrèms, çò apondèt Matthew Sullivan, tanben autor de l’estudi. Lor signatura genetica es plan desparièra de l’actuala e doncas es necite de los plan estudiar e de susvelhar cossí foncionan sens que pòscan contaminar. Son de virus que tanben aurián una sequéncia genetica coma las dels virus que se poirián trobar sus Mart”.(Legissètz la seguida).
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#6 Sabi pas se Montagné mentis deliberament, çò que pòdi assolidar es que son "estudi" (lèu lèu retractada avans publicacion) es pas credible. Causiguèt de sequéncias plan tròp pichonèlas per que siaguen significativas. Ba podèm trapar un pauc pertot e, de fach, ba trapam: https://threadreaderapp.com/thread/1251166511680516097.html
D'alhors, per pas s'enganar a la deteccion del virus, los biològues utilizon de sequéncias de 20 nucleotides pel PCR, pas 5 o 6. Si que non auriam pas que de testes positius.
Ai pas vist l'emission del 11 de març per contra, nimai l'estudi del cercaire australian. Mès çò que pòdi dire los arguments que ne retenètz son pas convencents. Avèm fòrça receptors celularis en comun ambe d'autres animals, vaqui perque i a de zoonosis a cada còp que de populacions animalas isoladas nagaire s'escambian de patogènes quand se mesclan. Per quant al temps d'adaptacion, cal pas doblidar qu'aqui parlam de viruses, pas d'animals. Lo temps de generacion es de qualquas minutas, e en mai, i a pas besonh de fòrça mutacions per cambiar l'eficacitat del virus (la pròva ambe l'aparicion del variant delta, qu'es pr'aquò geneticament quasi identic a la soca de la debuta). Alara en 20 ans... Encara cal admetre que lo virus foguèt identificat 20 ans pus lèu: que vòl dire "La soca virala aital modificada (?) correspondiá per l'essencial a la soca isolada un primièr còp subre de ratas penadas vivent dins una mina abandonada de China"? Per l'essencial? 99%? Es çò qu'avèm en comun ambe lo chimpanzé. 99,99%? Avèm trapat los darrièrs meses mantunas socas tras que pròchas, apartenent als coronaviruses e que benlèu aurian pogut tanplan servir a-n-aquesta enquista se foguessen pas descoberts tant tard. Me mesfizi fòrça de talas declaracions. Nos podèm aisidament far engarçar se vesèm pas lo contèxte...
#5 L'enquesta que m'i referissi non parlava de Montagné. Del Montagné, ai legit dirèctament la publicacion (en anglés) ont èran detalhadas las las sequéncias nucleotidicas en question. Foguèsse qué que siá, perqué o li aurián publicada ?… Non sabi.
L'enquesta es estada difusida en l'11 de Març de 2021. L'australian que parlava de la capacitat d'infectar las cellulas umans e qu'avïá complits los assages necessaris per comparar mai d'una espècia de mammifèrs per n'avalorar las viruléncias respectivas èra un cercaire director de laboratòri, non pas un mercant de paraulas. Cossí un virus isolat un primièr còp fa vint ans dins una soca animala lambda, per exemple de ratas penadas, se trobariá, vint ans mai tard plan mai virulant per integrar de cellulas umanas que non pas de cellulas d'aquestas quitas ratas penadas. Lo temps d'adaptacion e de mutacions naturalas es plan tròp cortet per se justuficar en tèrme d'evolucion espontanèa. E dins aqueste quadre experimental, las immunitats respectivas non intran en linha de compte. S'agís sonque de considerar l'adaptacion bioquimica del virus a infectar cellulas d'una espècia o d'unas autras, dirèctament.
La soca virala aital modificada (?) correspondiá per l'essencial a la soca isolada un primièr còp subre de ratas penadas vivent dins una mina abandonada de China. La driectritz de las investigacions virologicas ligada a l'observacion e las prelevaments dins aquesta mina es, se me remembri plan, la meteissa persona que la directritz responsabla de l'unitat virologia del laboratòri de Wuhan aquí considerat. Polida conïncidéncia. Lo virus seriá estat consevat (…e donc, modificat) dins son laboratòri de Wuhan, demèst fòrça autras socas virals distinctas, a de fin d'estudis, segond un metòdi que vesiam, dins l'emission, unes cercaires sosténer (per son interès) e d'autres criticar fòrça (pel dangièr potencial que presenta lo metòdi).
Plan segur, se Montagné, lo qu'aviá totun isolat lo virus del SIDA, e aqueste cercaire australian que n'ai oblidat lo nom, mentisson deliberadament o viran canturles, non i pòdi res. Mas l'emission val lo còp d'èsser escotada… e criticada s'es de besonh.
N'ai trobat un ligam aicí :
https://www.francetvinfo.fr/sante/maladie/coronavirus/video-coronavirus-le-mystere-des-origines_4328629.html
Regrèti ieu lo mot "mystère" qu'es impròpriament emplegat dins lo títol : non s'agís d'un "mistèri", mas plan d'una enigma.
Après, de saber que lo virus se siá difusit en causa d'un accident involontari non càmbia grand causa al problèma pandemic… Totun, lo metòdi de recèrca emplegat per aqueste laboratòri, o interdiguèssen, aquò me permetriá de dormir mai tranquille, aquò es tot çò que vòli dire.
#4
-Montagné assolidèt quitament que lo Sars-cov-2 foguèt creat a partir del VIH, ja qu'i trapèt de sequéncias caracteristicas del VIH, a l'escotar. Oc-ben es perfiechament ridicule, trapèm de sequéncias similàrias dins fòrça viruses salvatges e quitament dins de varietats descobertas mai recentament. Mès s'aqueste tipe, que defend que l'omeopatia foncciona e qu'es vengut antivax, es la vòstra referéncia principala, compreni mièlh la vòstra confusion en biologia.
-"aver repairat la provenéncia del virus considerat d'una excavacion minièra chinesa de fa mens de vint ans": sabi pas s'es mon occitan mès compreni pas res. Vòles dire que lo virus ven d'una minièra?
-"la covid19 es vengut plan mai eficaci per se transmetre als umans qu'a las ratas penadas": n'en sabèm pas res. I a pas pro de mejans per sègre las populacions de ratapenadas, e encara mens per capturar e estudiar pro d'individus per se'n far una bona idèia. Et quitament se foguesse verai, seria pas estonant, que las ratapenadas son probablament imunizadas contrariament al umans a-n-aquesta epòca.
#2 Aver constatat la preséncia de sequéncias de nucleotids carracteristicas de tròces pegants coma o a fait Montangné, puèi aver repairat la provenéncia del virus considerat d'una excavacion minièra chinesa de fa mens de vint ans, puèi, coma o a fait una còla autraliana de cercaire, aver constatat la lo virus de la covid19 es vengut plan mai eficaci per se transmetre als umans qu'a las ratas penadas que n'es originari, es çò qu'a monstrat l'enquiste D'Elisa Lucet fa ja gaireben un an, me sembla. S'agís donc d'un virus modificat, probablament amb unas finalitats experimentalas precisa, mas qu'a escapat malastrugament al laboratòri de Wuhan, ni mai, ni mens. Non es de complotisme, ja que non i vesi cap de complòt, sonque un accident.
I a quicòm que me tafura damb totes aquestes virus servats dempuèi de milenaris pels glacièrs d'Imalaià o dels nauts planestèls tibetencs.
Dedins i auría pas plan amagat lo virus de la Conaria o lo seu variant lo de la Colhardisa ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari