Actualitats
Lo Mont Blanc a perdut gaireben un mètre
Dempuèi 2001, la cima pus nauta d’Euròpa pèrd 13 centimètres cada annada
Tèxte legit
Lo Mont Blanc a perdut 92 centimètres dins los darrièrs 4 ans. La cima arpitana, qu’es la montanha pus nauta d’Euròpa, mesurava 4808,72 mètres en 2017 e ara, en 2021, ne mesura 4.807,81. D’efièch, a causa de l’escalfament climatic, se redutz la jaça de glaç que cobrís la montanha.
La nautor de la cima europèa se mesura en comptant la jaça de glaç que la cobrís, sense comptar la nèu superficiala. Aquelas mesuras son enregistradas dins una basa de donadas subreprecisa que se’n servisson de glaciològs e de climatològs per lors recèrcas, mai que mai a prepaus del cambiament climatic.
Una còla de topografes del departament de la Nauta Savòia mesura la nautor del Mont Blanc cada dos ans per mejan de captors de nauta tecnologia installats sus la cima e tanben per mejan de satellits. Per far aquelas mesuras, de la cima estant, una còla de mai de 20 personas fa una caminada d’aperaquí 10 oras.
L’escalfament global es fòrça evident dins los glacièrs dels Alps. Per exemple, lo glacièr dich la Mar de Glaç, dins lo massís del Mont Blanc, s’es retirat de 2 km dempuèi 1850 e a perdut 120 mètres d’espessor dins sa part terminala.
La nautor de la cima europèa se mesura en comptant la jaça de glaç que la cobrís, sense comptar la nèu superficiala. Aquelas mesuras son enregistradas dins una basa de donadas subreprecisa que se’n servisson de glaciològs e de climatològs per lors recèrcas, mai que mai a prepaus del cambiament climatic.
Una còla de topografes del departament de la Nauta Savòia mesura la nautor del Mont Blanc cada dos ans per mejan de captors de nauta tecnologia installats sus la cima e tanben per mejan de satellits. Per far aquelas mesuras, de la cima estant, una còla de mai de 20 personas fa una caminada d’aperaquí 10 oras.
L’escalfament global es fòrça evident dins los glacièrs dels Alps. Per exemple, lo glacièr dich la Mar de Glaç, dins lo massís del Mont Blanc, s’es retirat de 2 km dempuèi 1850 e a perdut 120 mètres d’espessor dins sa part terminala.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#5 E lo que m'a donat a legir l'article de Montagné es un director de recèrca actualament en foncion dins una escòla d'Agronomia. Li podèm dire d'anar apréner a far son mestièr, supausi…
#4 Seriosament? Avètz estudiat la genetica a l'universitat fin a dos ans ans de doctorat... E vos sètz fach engarçar per un article que pretend reconéisser de motius del VIH dins lo Sars-cov-2 sul basa de sequéncias de 6 nucleotides?!? E ben... Se foguèssi a vòstra plaça, fariai pas tròp lo fin ambe lo "manca de precision jornalistica" sul jornalet, que sètz pas brica ben plaçat per balhar de leiçons de rigor...
#3 Non me cal préner tanpauc per un nèci. Abans de passar mon doctorat e literatura occitana aviái ja un bac+5 de genetica antropologica validat, que non ai panat a degun. E se non ai sostengut mon doctorat qu'i trabalhavi despuèi mai de dos ans, fin finala, es per amor que dins lo sector public, la recèrca fondamentala non recrutava mai, e que non èri, per de rasons eticas personalas, dispausat a trabalhar subre de pesticidis, de fongicidis, d'insectidis ni d'OGM, tot çò pauc de las perspectivas professionalas que m'esperavan a l'eissida de l'obtencion d'aqueste diplòmi dins lo sector privat…
Sabi ben sense explicacion ridiculas que non es per amor que l'explicacion m'escapa que non existís : es per amor que non la donan pas aicí, çò qu'es un manca de precision jornalistica, non pas scientifica.
#2 Ba fan probablament per rapòrt al geoïde de referéncia, que permet de mesurar de talas variacions e sègre precisament la deformacion d'un volcan abans una erupcion o lo desglaç. Cal pas totjorn prene los scientifics per d'imbeciles, sabètz. Es pas pr'amor que l'explicacion vos escapa qu'exista pas...
https://fr.wikipedia.org/wiki/G%C3%A9o%C3%AFde
4808,72 mètres en 2017 e ara, en 2021, ne mesura 4.807,81 ? Per rapòrt al nivèl de la mar ? A cima d'èrsa, o a cròi d'èrsa ? Per marèa nauta o bassa ? Una tala precision, centimetrica, per rapòrt a un objècte tan movedís coma la susfàcia de la mar (e de quina mar ?), aquò pòrta un pauc a sorire. Totun, çò clar es que la veta de glaç a demesit, a mermat jos l'efècte del recalfament, e aquò non pòrta tant a sorire…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari