Actualitats
Espanha: l’enquista sus Joan Carles de Borbon poiriá èsser archivada
Los procuraires de la Cort Suprèma considèran que los delictes se faguèron quand lo monarca èra “inviolable”, o ben que son prescriches
Tèxte legit
Los procuraires de la Cort Suprèma espanhòla an previst l’archivament de l’enquista contra lo rei emerit espanhòl Joan Carles de Borbon, çò rapòrta El Confidencial. La rason invocada es que qualques unes dels delictes serián estats comeses quand èra rei, doncas quand èra «inviolable», çò es quand aviá una totala immunitat, e que d’autres serián ja prescriches. A mai, los procuraires prenon en compte las darrièras regularizacions fiscalas que Joan Carles faguèt en febrièr passat en pagant 4,4 milions d’èuros al tresaur public espanhòl.
D’aicí a qualques setmanas, la còla de procuraires prendràn una decision a prepaus de la situacion judiciària del monarca espanhòl. Après un an d’enquista, es ora de decidir siá l’archivament siá lo procès judiciari.
La Cort Suprèma espanhòla dobriguèt una enquista sus Joan Carles de Borbon per corrupcion en seguida de las revelacions de Corina Larsen, l’èx-galanta del monarca. Segon aquelas informacions, Joan Carles de Borbon teniá, a son nom, al de Larsen o a de falses noms, de terrenhs en Marròc, de comptes bancaris en Soïssa e d’autras riquesas sortidas de las comissions que l’Arabia Saudita aviá pagat en seguida de las negociacions per la construccion d’una linha de nauta velocitat entre La Mèca e Medina.
Una enquista en Soïssa
Tanben la justícia de Soïssa a dobèrta una enquista après que La Tribune de Genève publiquèt que Joan Carles Ir aviá en 2008 cent milions de dolars sus un compte de Genèva, qu’èra un present del rei Abd Allah d’Arabia Saudita. Lo compte èra dins la banca Mirabaud e al nom de la Fondacion Lucum, una entitat panamenca que son sol beneficiari es justament Joan Carles de Borbon.
A l’ora d’ara, lo rei emerit espanhòl auriá una fortuna que, segon The New York Times e Forbes, es estimada a 1,7 miliard d’èuros.
Exili de luxe als Emirats Arabis Units
Mentretant, Joan Carles a establit son domicili als Emirats Arabis Units, precisament dins l’illa exclusiva de Zaya Niru, a quinze minutas en vaissèl d’Abu Dhabi, ont, segon El País, ten una vida de luxe.
D’aicí a qualques setmanas, la còla de procuraires prendràn una decision a prepaus de la situacion judiciària del monarca espanhòl. Après un an d’enquista, es ora de decidir siá l’archivament siá lo procès judiciari.
La Cort Suprèma espanhòla dobriguèt una enquista sus Joan Carles de Borbon per corrupcion en seguida de las revelacions de Corina Larsen, l’èx-galanta del monarca. Segon aquelas informacions, Joan Carles de Borbon teniá, a son nom, al de Larsen o a de falses noms, de terrenhs en Marròc, de comptes bancaris en Soïssa e d’autras riquesas sortidas de las comissions que l’Arabia Saudita aviá pagat en seguida de las negociacions per la construccion d’una linha de nauta velocitat entre La Mèca e Medina.
Una enquista en Soïssa
Tanben la justícia de Soïssa a dobèrta una enquista après que La Tribune de Genève publiquèt que Joan Carles Ir aviá en 2008 cent milions de dolars sus un compte de Genèva, qu’èra un present del rei Abd Allah d’Arabia Saudita. Lo compte èra dins la banca Mirabaud e al nom de la Fondacion Lucum, una entitat panamenca que son sol beneficiari es justament Joan Carles de Borbon.
A l’ora d’ara, lo rei emerit espanhòl auriá una fortuna que, segon The New York Times e Forbes, es estimada a 1,7 miliard d’èuros.
Exili de luxe als Emirats Arabis Units
Mentretant, Joan Carles a establit son domicili als Emirats Arabis Units, precisament dins l’illa exclusiva de Zaya Niru, a quinze minutas en vaissèl d’Abu Dhabi, ont, segon El País, ten una vida de luxe.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ne parlavi d'aquel rainal dins l'article sus los paures caps catalans exiliats. Mai pensavi pas que la justicia espanolha era tan e tan confida. OSCA ESPANHA, CADA JORN FAS MAI VERGONHA !
Lo Juan Carlos qu'a declarat fa gaire que merceja Franco de li aver facilitada la "transicion" en creant una "classa mejana" en Espanha. Ara se sap de quin costat penjava pendent la temptativa de còp d'Estat de 1981.
Enfin, i qualques annadas qu'o sabèm, dempuèi la publicacion de "Anatomia de un instante".
òuuu trosquilh ! Jucticia es nocion brolhissa !
Al país que los maselaires sanguinaris qu'an fait crebar republicans per milierats e violadas milierats de femnas republicanas abans de las tuar (entre 1936 e 1939, per çò mendre) non seràn pas jestats amai jutjats, un rei que fa çò que vòl al mesprètz de tot Paratge, ont es la suspresa ? La justícia de las Espanhas es per çò melhor medievala…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari