CAPÇALERA PAIS INVISIBLE

Actualitats

PoliticaSocietat

L’Assemblada Nacionala francesa apròva a l’unanimitat de combatre las “terapias” de conversion

Vòlon perseguir aquelas practicas pseudoscientificas pensadas per “garir” las personas LGBT

Tèxte legit

L’Assemblada Nacionala francesa aprovèt dimars passat, a l’unanimitat, un projècte de lei qu’enebís las “terapias” de conversion, valent a dire las practicas pseudoscientificas e perniciosas aplicadas a de personas omosexualas o transgenres per ensajar d’alterar lor orientacion sexuala o lor identitat o expression de genre. “I a pas res a guarir dins l’omosexualitat”, çò diguèt la ministra de l’egalitat Elisabeth Moreno, en tot afortir qu’èsser se meteis es pas un delicte, çò rapòrtaLe Parisien.
 
Lo tèxt votat en primièra lectura prepausa de multas de 30 000 èuros que poirián èsser 45 000 èuros e tres ans de preson s’aquelas “terapias” foguèsson aplicadas a un menor. Per que la lei siá aplicada caldrà lo vòte pel Senat del tèxt dins los meteisses tèrmes.
 
Aquelas “terapias” que pretendon de “garir” los LGBT son pas gaire conegudas en França e son de mal quantificar. En 2019, la deputada Laurence Vanceunebrock (LREM) e lo deputat Bastien Lachaud (LFI) raportèron “una centena de cases recents”, en tot exprimir lor alarma davant “l’aumentacion de las denóncias”.
 
D’aquelas “terapias” n’i a de religiosas, amb de cridas a l’abstinéncia e de sesilhas d’exorcisme; de pseudomedicalas amb de tractaments ormonals, d’ipnòsi e mai d’electrochòcs, e de socialas quand se fòrça los “pacients” de se maridar del biais eterosexual.
 
En Euròpa, aquelas pretendudas terapias son enebidas a Malta e Alemanha. Als Païses Basses e al Reialme Unit se pren de mesuras semblablas a las prepausadas a l’Assemblada francesa. En Canadà, los deputats aprovèron un projècte de lei a la fin de junh.
 
 


abonar los amics de Jornalet

 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Zerbin
6.

#3 Los occitans sèm pas una minoritat ni mai d'estrangiers, avèm pas a nos aligar amb eles, sèm chas nosautres.

  • 3
  • 14
Doas pes doas mesuras
5.

#3 Personalament m'opausi a pas diguns. Constati simplament que se vos revendicatz occitan es "quina orror ! Grana de separatista ! Marrit francès ! eca...." e que se vos revendicatz LGBT es "Genial ! Compliments ! Farem tot per vos melhorar la vida ! eca..." Constatar banalament l'ipocrisia del poder que d'una man bota sus un pedestal tals minoritaris e de l'autra man te n'ensuca d'autres me sembla pas èsser sectari.

  • 6
  • 3
Maignial Galhac
4.

Per contra i a fòrça a guarir dins l'òdi als omosexuals. E a totes los que son desparius per rapòrt a la nòrma culturala dels asiroses...

  • 13
  • 0
Jessie
3.

#2 Las minoritats se deurián pas opausar mas se deurián aligar per far causa comuna, las femenistas l'an plan comprès, elas que sovent ligan femenisme e defensa de las minoritats "vesiblas", femenisme e causa animala, entre autres... L'occitanisme ganhariá a s'investir mai dins lo femenisme se volem que i aja mai de femnas dins lo movement.

  • 12
  • 4
Doas pes doas mesuras
2.

#1 Per la bobotalha-parisencalha que nos govèrna i-a de minoritats tras qu'onorablas e d'autras mespresablas e vergonhosas. En clar en França val melhor aparténe a certas minoritats puslèu qu'a d'autras. La mediaticalha se'n acomòda fòrça fòrça plan.

  • 8
  • 15

Escriu un comentari sus aqueste article