capçalera campanha

Actualitats

InternacionalPoliticaSocietat

Afganistan: almens 80 mòrts dins un atemptat contra una mosqueta shiita

Es lo tresen atac terrorista de caire religiós que s’es patit en una setmana. La minoritat shiita se sent mai sens defensa que jamai

| @josepalay

Tèxte legit

Almens ochanta personas mòrtas e environ 140 nafradas es lo tragic bilanç d’un atemptat suicidari contra una mosqueta shiita divendres dins lo nòrd d’Afganistan. Las donadas son pas oficialament confirmadas e poirián èsser pus nautas car las pregàrias dels divendres son las mai frequentadas.
 
Aquel masèl, revendicat per l’autoproclamat Estat Islamic, a semenat la terror dins la minoritat shiita afgana que se sent mai sens proteccion que jamai après la presa de poder dels talibans, representants d’una mena de fondamentalisme sunnita.
 
Pasmens, segon las paraulas de lor pòrtavotz, Zabihullah Mujahid, semblariá que lo regim volguèsse integrar tanben la minoritat shiita. Mujahid a dich sus Twitter:
 
“Aqueste ser s’es producha una explosion dins una mosqueta de nòstres compatriòtas shiitas dins lo districte de Khan Aban, a Bandar, capitala de la província de Kunduz, e son resultat es que qualques unes de nòstres compatriòtas son estats martirizats e nafrats. Los combatents son anats sus plaça amb una unitat especiala e an començada una enquista”.
 
L’atac de divendres es lo tresen atac terrorista de caire religiós que se patís en una meteissa setmana. Lo dimenge precedent, l’Estat Islamic assautèt las funeralhas de la maire de Mujahid en tuant doas personas, e puèi i aguèt un atemptat non revendicat contra una madrassa a Khost qu’auriá tuat almens una persona e n’auriá nafradas 17.
 
 
 
 
 



abonar los amics de Jornalet

 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris


I a pas cap de comentari

Escriu un comentari sus aqueste article