Actualitats
Rugbi de XIII: Perpinhan que se desòla e Tolosa que ritz
Lo XIII èra a la una aquesta dimenjada amb las finalas jogadas pels Dragons Catalans e lo Tolosa Olimpic que coneguèron doas conclusions plan diferentas
Alan Roch
Superliga: cachavièlha al Teatre dels Somis pels Dragons
La finala entre Dragons e Sants foguèt plan acarnassida. La formacion catalana joguèt sens complèxe davant los 50 000 espectators remosats dins l’estadi d’Old Trafford. Los Sang e Aur dobriguèron la marca sus penalitat, mas just sus la linha, lo centre fidjian Kevin Naiqama puntava un ensag e los Sants menavan 6-4 a la pausa.
Los catalans prenguèron l’avantatge 10-6 mercé al segonda-linha McMeeken que marcava l’ensag a la recepcion d’una candela, mas un còp de pè del centre Percival se mudava en un novèl ensag de Naiqama, borrèl dels catalans. La transformacion de Lachan Coote balhava als Sants los dos punts d’avantatge 12-10 que lor permetiá de servar lo trofèu. Lo Teatre dels Sòmis virava a la cachavièlha per Benjamin Garcia e sos collègas.
Del costat catalan, de decepcion segur, qualques romegadisses per l’arbitratge, mas tanben l’enveja fòrta de tornar a Manchester e de rintrar lo còp que ven amb lo trofèu al país. De sotalinhar la polida cobertura mediatica pel XIII d’aquela finala jogada pels Dragons.
Championship: lo TO jogarà en Superliga
Objectiu del Tolosa Olimpic dins son estadi Ernest Wallon aqueste dimenge de ser 10 d’octòbre, davant 10 000 espectators entre los quals un bon grop tarabastejaire mas simpatic dels sostens dels vesitaires (los Barrutlaires de Featherstone): una victòria, la quinzena d’una sason sens desfaita, lo trofèu del Championship e la montada en Superliga.
Mai en forma, mai solidaris, los locals dominavan lo primièr temps, marcavan dos ensages e bonificavan las fautas anglesas amb tres penalitats: 16-0.
Mas un anglés se reconeis pas jamai vençut. Los jogaires de Featherstone tornavan determinats, marcavan dos ensages per se trapar a 12-22 a un pichon quart d’ora de la fin. Lo Tolosa Olimpic enganava encara dos còps la defensa anglesa per ganhar 34-12. Alara que la còrna veniá de restontir, veniá a Rémi Casty d’ensajar d’ensacar la darrièra transformacion abans d’acabar sa rica carrièra de jogaire, de pilar a l’FC Lesinhan e als Dragons, amb una annada cò dels Roosters e aqueste punt final jos las colors del TO. A l’Estadium, aurián comptat un but pel TFC; al rugbi, la palma passèt entre los pals mas jos la barra.
Al tèrme d’aquesta sason particulara, lo Tolosa Olimpic concretiza son objectiu: la montada en Superliga.
Elèit 1: debuta del campionat
La primièra dimenjada del campionat d’Elèit 1 veirà las oposicions Avinhon-Carcassona, Limós-Dragonets, Lesinhan-St Gaudenç, Albi-Tolosa. Vilanòva començarà la competicion la dimenjada seguenta.
Alan Roch
La finala entre Dragons e Sants foguèt plan acarnassida. La formacion catalana joguèt sens complèxe davant los 50 000 espectators remosats dins l’estadi d’Old Trafford. Los Sang e Aur dobriguèron la marca sus penalitat, mas just sus la linha, lo centre fidjian Kevin Naiqama puntava un ensag e los Sants menavan 6-4 a la pausa.
Los catalans prenguèron l’avantatge 10-6 mercé al segonda-linha McMeeken que marcava l’ensag a la recepcion d’una candela, mas un còp de pè del centre Percival se mudava en un novèl ensag de Naiqama, borrèl dels catalans. La transformacion de Lachan Coote balhava als Sants los dos punts d’avantatge 12-10 que lor permetiá de servar lo trofèu. Lo Teatre dels Sòmis virava a la cachavièlha per Benjamin Garcia e sos collègas.
Del costat catalan, de decepcion segur, qualques romegadisses per l’arbitratge, mas tanben l’enveja fòrta de tornar a Manchester e de rintrar lo còp que ven amb lo trofèu al país. De sotalinhar la polida cobertura mediatica pel XIII d’aquela finala jogada pels Dragons.
Championship: lo TO jogarà en Superliga
Objectiu del Tolosa Olimpic dins son estadi Ernest Wallon aqueste dimenge de ser 10 d’octòbre, davant 10 000 espectators entre los quals un bon grop tarabastejaire mas simpatic dels sostens dels vesitaires (los Barrutlaires de Featherstone): una victòria, la quinzena d’una sason sens desfaita, lo trofèu del Championship e la montada en Superliga.
Mai en forma, mai solidaris, los locals dominavan lo primièr temps, marcavan dos ensages e bonificavan las fautas anglesas amb tres penalitats: 16-0.
Mas un anglés se reconeis pas jamai vençut. Los jogaires de Featherstone tornavan determinats, marcavan dos ensages per se trapar a 12-22 a un pichon quart d’ora de la fin. Lo Tolosa Olimpic enganava encara dos còps la defensa anglesa per ganhar 34-12. Alara que la còrna veniá de restontir, veniá a Rémi Casty d’ensajar d’ensacar la darrièra transformacion abans d’acabar sa rica carrièra de jogaire, de pilar a l’FC Lesinhan e als Dragons, amb una annada cò dels Roosters e aqueste punt final jos las colors del TO. A l’Estadium, aurián comptat un but pel TFC; al rugbi, la palma passèt entre los pals mas jos la barra.
Al tèrme d’aquesta sason particulara, lo Tolosa Olimpic concretiza son objectiu: la montada en Superliga.
Elèit 1: debuta del campionat
La primièra dimenjada del campionat d’Elèit 1 veirà las oposicions Avinhon-Carcassona, Limós-Dragonets, Lesinhan-St Gaudenç, Albi-Tolosa. Vilanòva començarà la competicion la dimenjada seguenta.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari