Es partit en Itàlia lo debat sus l’illegalizacion dels partits faissistas après las atacas que las patiguèron dissabte passat a Roma lo sèti del sindicat CGIL e l’espital Umberto Ir en seguida d’una manifestacion contra l’obligatorietat del passador covid. Lo bilanç dels rambalhs foguèt de 38 policièrs nafrats, 600 manifestants identificats e 12 detenguts, dont lo cap del partit neofaissista Fòrça Nòva, Roberto Fiore, e lo dirigent de sa seccion romana, Giuliano Castellino. Segon lo govèrn italian, la manifestacion foguèt un pretèxt dels neofaissistas per atacar las institucions.
 
Ara, la CGIL demanda la dissolucion de “totas las formacions que s’identifiquen amb lo faissisme”, çò a dich lo secretari general Maurizio Landini. “Es lo moment d’o dire clarament”. La demanda del principal sindicat italian es sostenguda per la majoritat de las fòrças politicas italianas. Pel ministre del trabalh e de las politicas socialas, Andrea Orlando, s’agís de “bastir d’espleches per defendre la republica e la democracia amb mai d’eficacitat”. Son partit presentarà diluns al Parlament, a l’iniciativa del deputat Emanuele Fiano, una mocion urgenta per exigir que s’enebisca los partits faissistas.
 
Aquela demanda l’an joncha quitament lo Movement 5 Estelas e los partits d’extrèma drecha de la Liga e de Fraires d’Itàlia. Silvio Berlusconi a telefonat a Landini per li manifestar son sosten.
 
 
“Jamai pus de faissisme”
 
Per la CGIL, los faches de dissabte fan pensar a l’esquadrisme qu’espeliguèt en 1919 e que menèt a la fondacion del Partit Nacional Faissista e a la dictatura que la visquèt Itàlia pendent mai de 20 ans.
 
Amb la tòca de desmembrar pas l’istòria, la CGIL a cridat a manifestar dins las principalas vilas d’Itàlia dissabte que ven jol lèma “Jamai pus de fascisme”.
 
 
“Lo faissisme es pas una opinion, es un crime”
 
De son latz, l'Associacion dels Partisans d'Itàlia, l’ANPI, s’es associat a la condemnacion en remembrant una frasa de l’ancian president Sandro Pertini: “Lo faissisme es pas una opinion, es un crime”.
 

 

Ho telefonato al segretario generale della Cgil, Maurizio Landini, per manifestare a lui e a tutto il sindacato vicinanza e solidarietà per l’inaccettabile violenza che nulla ha a che fare con la politica e con la democrazia. pic.twitter.com/77pRWSWpdr

— Silvio Berlusconi (@berlusconi) October 10, 2021

 

Il Presidente del Consiglio, Mario Draghi, ha visitato la sede nazionale della CGIL e incontrato il Segretario generale, Maurizio Landini. pic.twitter.com/Pnmes2Ex6B

— Ferdinando Giugliano (@FerdiGiugliano) October 11, 2021

 

#MaurizioLandini: “L’assalto alla sede della #Cgil nazionale è un atto di squadrismo fascista. Un attacco alla democrazia, a tutto il mondo del lavoro che intendiamo respingere. Domani convocata d’urgenza assemblea generale" https://t.co/1oO5mHGGPzpic.twitter.com/CEepiydAwY

— CGIL Nazionale (@cgilnazionale) October 9, 2021

 

Solidarietà alla CGIL per l’attacco subito, sono vicino a lavoratrici e lavoratori che difendono, pacificamente, i loro diritti e le loro libertà.

— Matteo Salvini (@matteosalvinimi) October 9, 2021