Un autre cas de violéncia racista policièra ven d’esmòure l’opinion publica dels Estats Units. Aguèt luòc lo 30 de setembre passat a Dayton (Ohio): dos policièrs, d’un biais fòrça violent, tirèron de sa veitura Clifford Owensby, un òme negre paraplegic, en lo rebalant per sòl.
 
Lo departament de la polícia de la vila a publicat los imatges de las camèras corporalas dels agents. Se pòt veire que los agents demandan a Owensby que sortisca de la veitura mentre qu’el quita pas de tornar dire que pòt pas, qu’es paraplegic. Owensby, desesperat, fa una telefonada per demandar se qualqu’un pòt venir enregistrar la situacion e demanda als policièrs la preséncia d’una “camisa blanca”, valent a dire d’un supervisor del còrs policièr. Los agents li respondon que l’apelaràn quand el aurà sortit de la veitura.
 
Los policièrs finisson que tiran Owensby de sa veitura amb violéncia, lo prenon per lo pel e lo daissan jagut, lo manòtan e lo tirassan per sòl fins a la veitura policièra.
 
Los agents asseguran qu’Owensby veniá d’un ostal ont cresián que se trafegava de dròga, e que portava 20 000 èuros. Segon son avocat, los faches son “illegals e innecessàriament brutals”. Lo debat sul racisme de la polícia als Estats Units es tornarmai alucat.

 

"I'm a paraplegic, sir."

He said he couldn't exit his car. The police dragged him out pulling his hair. Clifford Owensby, a Black paraplegic man, has now filed a complaint against the police department of Dayton, Ohio ... pic.twitter.com/3hMpKcNAOw

— Brut America (@brutamerica) October 12, 2021