capçalera campanha

Actualitats

EscòlaInternacionalPolitica

Perpinhan: la comuna blòca un projècte de collègi e licèu Bressola

Lo ret escolar en catalan fa sa denóncia contra l’executiu de Louis Aliot

Tèxte legit

Lo ret d’escòlas en catalan, Bressola, a decidit de sasir la justícia contra la comuna de Perpinhan per aver empedit la dobertura d’un projècte de collègi e licèu. Lo president de l'associacion, Joan-Sebastià Haydn, sa directritz Eva Bertrana e l'avocat perpinhanés Guillem Nivet detalhèron aquel afar dijòus passat dins una conferéncia de premsa, çò rapòrta La Clau. La Bressola a mai de 1000 escolans escolarizats en Catalonha Nòrd dins maitas escòlas mairalas e elementàrias e un collègi. Ara, per la dobertura d’un nòu collègi e un licèu a Perpinhan se deu batre amb l’anticatalanisme de l’extrèma drecha que govèrna la vila.
 
Lo projècte de collègi e licèu immersiu en catalan se deviá realizar dins lo monastèri de Santa Clara. Lo sit religiós a barrat sas pòrtas après 750 ans de preséncia e la Bressola aviá pagat 60 000 èuros per ne securizar la crompa. Pasmens, la municipalitat, dirigida per Louis Aliot e lo Recampament Nacional, a decidit de far obstruccion a aquel projècte, en obtenent un drech de retractacion dels vendeires. La comuna d’extrèma drecha defend l’argument de la proteccion del patrimòni, mas “çò que vòlon es entrepachar lo projècte”, çò assegura Nivet.
 
Bressola a cridat a una manifestacion dissabte 23 d’octòbre.
 
 


abonar los amics de Jornalet

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Bodiu
7.

#6
pfffffffffffffffffff assadoulas !

  • 0
  • 17
Franc Bardòu
6.

#5 Insultar e difamar non a jamai donat rason a degun, ni mai non vos donarà pas rason.Declarar que l'extrèma-dreita se coneis a sas òbras non a res de binari, e far remarcar que çò que fa ara, o a sempre fait, tanpauc. Es sonque de l'òdre de la constatacion.

  • 15
  • 2
Bodiu
5.

#4

Vèsi qu’avetz ufana granda del tròç meteis que la francimanda.

Soi apensat d’aqui estant qu’avetz aquela categorizacion del mond d’un biais binari, malastrudament es pas atal lo mond es plan mai complicat. Portatz escorna al biais de pensar occitan, empobolat de malautiá francimanda, qu’atal reduzissetz al pus mens de vòstra capacitat tampada, caldriá dierbre un briu.

D’atal far, efetivament ren de nòu jol solelh ! Es pas novèl aquò !

De qual siái? Benlèu lo que te pissa a la reganèla amb'un somriure d'embadalit !

  • 2
  • 18
Franc Bardòu
4.

#2 1) Qui sètz per me dire "tut" ? Non avèm pas gardat los falangistas ni los regulares amassa !
2) Qué i far ? Non vesi gaire mai que l'acte de denonciar, e denonciar encara, quand sèm poètas. D'autres poètas que non pas ieu ne son mòrts executits, e per plan mens qu'aquò…

  • 18
  • 5
Franc
3.

Aquò's totjorn aital amb l'extrèma drecha ! Quitament se en faciada se ditz favorabla a las lengas e culturas regionalas.
De pas oblidar, jamai.

  • 17
  • 0

Escriu un comentari sus aqueste article