La situacion dins l’illa canària de La Palma es totjorn que mai grèva. Lo nombre d’ectaras destruchas es de 750 e environ 7000 personas son evacuadas. Per ara, los expèrts creson que lo còn del cratèr se tornarà pas trencar, mas l’erupcion durarà longtemps, a ne jutjar per las emissions de dioxid de sofre (17 000 tonas per jorn) e los tèrratrems constants que patís l’illa, d’entre 4 e 5 grases segon l’escala de Richter.
 
Demest los nombroses imatges que son a virar dins lo Mond, se destaca lo vidèo dels cans atrapats per la colada de lava. Una organizacion animalista, amb lo sosten de la comuna, es a lor mandar lo manjar per dròne mentre que s’espèra de trobar lo biais de los liberar.