Actualitats
Qual èra Damid Amess, lo deputat assassinat divendres?
Èra un un deputat plan conservator, mas tanben animalista e interessat per la causa catalana
Tèxte legit
Lo deputat conservator David Anthony Andrew Amess foguèt assassinat divendres passat a còps de cotèl dins sa vila natala, Essex, quand teniá una permanéncia dins una glèisa metodista. La polícia detenguèt l’agressor e l’enquista l’an balhada als servicis antiterroristas.
Nascut a Essex en 1952, Amess aviá 69 ans e èra sòci del Partit Conservator. En 1983, foguèt elegit deputat per la circonscripcion de Basildon e a comptar d’alavetz faguèt partida del parlament (en 1996, passèt a la circonscripcion de Southend West). E mai foguèsse un deputat veteran, Amess aguèt pas jamai cap de carga dins lo govèrn o dins lo gabinet de l’ombra (lo contragovèrn de l’oposicion).
Dins lo Partit Conservator, Amess èra un eurosceptic reconegut que defendèt amb veeméncia lo Brexit. D’autre caire, èra membre del grop All Party Parlamentary Group on Catalonia, un grop informal de representants de totes los partits del parlament britanic que discutissiá del procès d’independéncia de Catalonha.
Un òme plan conservator
Durant sa longa carrièra politica, lo deputat defendèt divèrses vejaires controversiats coma la legalizacion de la pena capitala o l’enebicion de l’avortament. En çò que tanh al collectiu LGBT, Amess s’opausava al maridatge per totes e en general a totas las leis que favorizavan los dreches d’aquel collectiu.
Quant a la politica exteriora, votèt en favor de la guèrra d’Iraq, mas puèi foguèt fòrça critic de l’incapacitat del govèrn de Tony Blair de trobar las supausadas armas de destruccion massissa de Saddam Hussein. Tanben s’opausèt a l’intervencion militara dins la guèrra civila de Siria e èra cap del grop dels amics conservators d’Israèl.
Totun, Amess foguèt un grand defendor dels dreches dels animals e fasiá partida de la Conservative Animal Welfare Foundation. A mai, votèt en favor d’interdire la caça dels guèines e sostenguèt de campanhas contra los experiments medicals amb de bèstias. Faguèt de leis contra la precarietat energetica e se batèt per revendicar la memòria dels que salvèron de josieus pendent la Segonda Guèrra Mondiala.
Nascut a Essex en 1952, Amess aviá 69 ans e èra sòci del Partit Conservator. En 1983, foguèt elegit deputat per la circonscripcion de Basildon e a comptar d’alavetz faguèt partida del parlament (en 1996, passèt a la circonscripcion de Southend West). E mai foguèsse un deputat veteran, Amess aguèt pas jamai cap de carga dins lo govèrn o dins lo gabinet de l’ombra (lo contragovèrn de l’oposicion).
Dins lo Partit Conservator, Amess èra un eurosceptic reconegut que defendèt amb veeméncia lo Brexit. D’autre caire, èra membre del grop All Party Parlamentary Group on Catalonia, un grop informal de representants de totes los partits del parlament britanic que discutissiá del procès d’independéncia de Catalonha.
Un òme plan conservator
Durant sa longa carrièra politica, lo deputat defendèt divèrses vejaires controversiats coma la legalizacion de la pena capitala o l’enebicion de l’avortament. En çò que tanh al collectiu LGBT, Amess s’opausava al maridatge per totes e en general a totas las leis que favorizavan los dreches d’aquel collectiu.
Quant a la politica exteriora, votèt en favor de la guèrra d’Iraq, mas puèi foguèt fòrça critic de l’incapacitat del govèrn de Tony Blair de trobar las supausadas armas de destruccion massissa de Saddam Hussein. Tanben s’opausèt a l’intervencion militara dins la guèrra civila de Siria e èra cap del grop dels amics conservators d’Israèl.
Totun, Amess foguèt un grand defendor dels dreches dels animals e fasiá partida de la Conservative Animal Welfare Foundation. A mai, votèt en favor d’interdire la caça dels guèines e sostenguèt de campanhas contra los experiments medicals amb de bèstias. Faguèt de leis contra la precarietat energetica e se batèt per revendicar la memòria dels que salvèron de josieus pendent la Segonda Guèrra Mondiala.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Un pauc sant e un pauc folh, vet o aquí. Un clar oscur.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari