En tement de trebolums a l’òrdre public, lo ministre de l’Interior a dictat un decret qu’enebís tot desplaçament “individual o collectiu” de suportaires niçards abans la partida de fotbòl de Liga 1.
Lo ministre de l’Interior Manuel Valls a enebit, per un decret publicat dimècres passat al Jornal Oficial, tot desplaçament “individual o collectiu” de suportaires niçards en Corsega, deman divendres, a l’escasença de la partida de Liga 1 que se i afrontaràn Bastia e Niça.
Un decret de la prefectura de Nauta Corsega aviá ja enebit diluns passat als niçards l’accès a l’estadi Armand Cesari de Furiani en rason del “risc de trebolums grèus a l’òrdre public”, en escasença d’aquel encontre de fotbòl de la 25a jornada de Liga 1.
Dins lo sieu decret, lo ministre de l’Interior precisa que “lo desplaçament individual o collectiu, per tot mejan, de tota persona que se prevalga de la qualitat de suportaire del club OGC Niça” es enebit del 15 de febrièr a 9 oras fins al 16 de febrièr a mièjanuèch, entre, d’un caire, la Comtat de Niça, los pòrts de Marselha e Tolon, los aeropòrts de Marinhana e Ieras (Provença), e, de l’autre caire, Corsega.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo ministre de l'Interior de l'epòca auriá degut ennebir a la familia de Valls de venir en França... De que ne pensa lo Manolo d'aquèla idèa?
Son pas occitans mas de suportaires de París volián venir a Tolosa doas setmanas i a per TFC-PSG. Arribèron al peatge e foguèron los policièrs que los "recebèron". I aviá pas cap de decret prefectoral contra lor venguda e aqueles parisencs avián crompat lors bilhetas (mercés a internet). Foguèron menats a Ginestons a 14h00 aquel divendres 1èr de febrièr. Avián pas lo dreit de davalar dels bus. Los policièrs lor faguèron creire que los menarián a l'estadi cap a 18h00(la partida èra a 20h30). Mas lo temps passèt e los Parisencs entendèron que poirián pas anar véser la partida per suportar lo PSG. Acabèron per demandar als policièrs d'ont venián aqueles òrdres. "O sabèm pas tròp" çò diguèt la polícia. Apuèi aver fait esperar los parisencs per pas res, foguèron endralhats cap al peatge a 21h30. Cada estacion de l'autopista èra barrada e de policièrs empachavan per que los bus s'arrestèsson. La sola pausa "autorizada" se faguèt cap a Orleans. Qualques ràdios e unes sites o malhums socials balhèron aquela novèla mas se'n parlèt pas gaire ça que la.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari