Lo magazine de cultura en occitan, Lo Diari, ven de publicar un numèro “fòra sèria” especialament dedicat als liceans de las doas regions administrativas de l’oèst occitan qu’auràn lor exemplar gràcias al Plan d’Accion Licèu de l’Ofici Public de la Lenga Occitana (ÒPLO).
 
Per far aqueste numèro, tota la còla del Diari an fach un brave trabalh en melhorant la maqueta e en provesissent lo numèro d’un material de plan bona qualitat. L’edicion “fòra sèria” consagrada als liceans conten de novèls articles, de novèls contributors, de novèlas rubricas, de glossaris... amb la preséncia de tèxtes en gascon, lemosin, lengadocian e provençal.
 
Pels que serián pas liceans e per totas las personas de la rèsta d’Occitània, la còla del Diari an un estòc d’exemplars en papièr que se pòt demandar.
 
Lo numèro se pòt descargar en linha sul sit web del Diari.
 
Lo Diari es un magazine cultural bimesadièr de granda qualitat grafica e jornalistica editat per l’Institut d’Estudis Occitans de la region qu’a pres lo nom d’Occitània. I trobaretz d’informacions, d’articles, d’entrevistas, de cronicas, de criticas, e tot en occitan se vos plai.
 
Sa version en linha (lodiari.com) prepausa de contengut aumentat. Aquí es possible d’i legir lo darrièr numèro de la revista, d’agachar de clips musicals, de vos téner al fil de l’actualitat culturala, d’apondre vòstres eveniments e de comunicar amb la redaccion.
 
Lo mèdia cèrca d’integrar totes los qu’aiman e fan viure la lenga e la cultura occitanas en tota Occitània, de Bordèu a Niça e d’Aran a Vichèi, e cèrca doncas totjorn de collaboradors e d’idèas novèlas.


 

fffff		fffff
	Jornalet a l'escòla Jornalet a una seccion especifica sus l’escòla occitana. Nos agradariá fòrça que las escòlas, que sián de Calandretas o d’escòlas bilingüas, poguèsson emplenar elas meteissas aquesta seccion amb de nòvas, e que los quites escolans las poguèsson redigir en explicar los faches que fan l’actualitat dins cada escòla: una excursion culturala, la vesita d’una personalitat, una fèsta populara amb los parents, una competicion esportiva, etcetèra. Evidentament, las fotografias, los enregistraments o los imatges de vidèo seràn tras que benvenguts, se n’i a.  Se cada escòla nos manda quatre o cinc nòvas per an serem plan contents e satisfaches. Pensam que pòt èsser un bon ponch d’amassada per la comunautat educativa occitana, una iniciativa interessanta pels escolans e un esplech de socializacion lingüistica per las familhas dels escolans. Esperam de poder comptar amb lo vòstre sosten, e esperam que Jornalet serà una aisina utila per las escòlas occitanas. Mandatz-nos las vòstras nòvas a info@jor…