Nigèria: almens 50 mòrts dins l’atac d’un supermercat
 
Aperaquí 200 agressors se placèron a l’entorn de l’establiment comercial e tirèron
 
 
La fusilhada d’un supermercat a Nigèria a daissat un tragic bilanç d’almens 50 personas mòrtas e 17 nafradas grèvas. Se tenguèt dimenge passat a Goronyo, dins l’estat de Sokoto, e foguèt un vertadièr infèrn. Aperaquí 200 assalhidors se placèron a l’entorn de l’establiment comercial e tirèron. Puèi cremèron 7 veituras e faguèron de pilhatges. Lo blòg de Linda Ikeji ne publica d’imatges esglasiants.
 
L’atemptat fa pensar a un eventual espandiment del grop terrorista Boko Haram e de l’autoproclamat Estat Islamic en Africa occidentala.
 
Lo president de Nigèria, Muhammadu Buhari, a assegurat que se sarrava la fin dels “bandits” pr’amor que l’armada e las fòrça de seguretat nigerianas an aquerit “d’esquipas avançadas”.
 
Cossí que siá, Nigèria patís dempuèi longtemps una violéncia terrorista insuportabla que sembla pas de demesir. Doas setmanas abans lo masèl de Goronyo, de desenas de ciutadans foguèron massacrats a Sabon Birni dins un atemptat semblable al de dimenge passat.



 

fffff		fffff
	30 000 assassinats dins los darrièrs 10 ans   Boko Haram foguèt fondat en 2002. Dins los darrièrs dètz ans aquel grop armat a assassinat 30 000 personas. Ten qualques milièrs de milicians que semenan la terror dins l’estat federal de Nigèria e tanben en Cameron, Nigèr e Chad. Combaton l’administracion nigeriana, tant l’armada coma las escòlas e las universitats amb la tòca d’impausar una dictadura integrista religiosa basada sus l’islam pus radical. Boko Haram vòl dire en lenga hausa “l’educacion occidentala es un pecat”. Per illustrar aquel nom, en 2014 sequestrèt dins d’òrras condicions 237 liceanas de Chibok, çò qu’esmoguèt la comunautat internacionala. Boko Haram anoncièt un acòrdi de liberacion per dire, fin finala, que las joventas èran estadas maridadas e convertidas a l’islam. Una liceana qu’aviá capitat a fugir contèt que sas camaradas èran violadas e que devián acceptar de se far musulmanas se volián pas èsser escoteladas. Nigèria es lo país mai poblat d’Africa (a l’entorn de 170 milions d’estatjants). Produtz de petròli que solament ne benefícia un quart de la populacion. Lo país patís de problèmas de corrupcion e de fugida dels capitals qu’aumentan las tensions etnicoreligiosas. Dins lo nòrd de Nigèria, de majoritat musulmana —los crestians son majoritaris dins lo sud—, la sècta Boko Haram, qu'assagèt una insurreccion dins los estats del nòrd en 2009, s’illustra tristament per de mesfaches sovent qualificats de crimes contra l’umanitat: destruccion de glèisas o de vilatges, atemptats contra d’estacions de tren o d’ostalariás, chaples de populacions, en particular crestianas, minoritàrias dins l’airal.

 

 

Massacre in Nigeria as gunmen storm market and open fire in 'every direction' killing at least 30

Assault on a weekly market in Goronyo, north Nigeria, took place late on Sunday
Gunmen, from a suspected criminal gang, fired in 'every direction' on shoppers pic.twitter.com/oAlVuY66bk

— MassiVeMaC (@SchengenStory) October 18, 2021

 

Atleast 50 people where killed, 17 critically injured and 7 vehicles burnt with properties stolen and animals rustled during a market yesterday 4Pm in a terror attack on Goronyo Market square in Sokoto. Life has become short and less important under the leadership of @MBuhari

— Yusuf Anka (@ankaboy) October 18, 2021